भर्जिनियामा प्रदर्शन हुने ए मेरो हजुर ४ मा नायिक सुहाना थापा तथा निर्देशक झरना थापा दर्शकसंगै चलचित्र हेर्ने

अमेरिकाको भर्जिनिया राज्यको फेयरफ्याक्समा प्रदर्शन हुने ए मेरो हजुर ४ मा नायिका सुहाना थापा तथा निर्देशक झरना थापा दर्शकसंगै चलचित्र हेर्ने भएका छन् । दुवै जना अमेरिकाको भ्रमणमा रहेकोले भर्जिनियावासीहरुसंग संगै चलचित्र हेर्न पाउने भएकोले निकै उत्साहित भएको निर्देशक झरना थापाले ईनेप्लिजलाई बताईन ।

साथै नायिका सुहाना थापाले पनि नेपाली चलचित्रलाई माया गर्ने दर्शकहरुसंग भेटघाट हुन् मौका पाइने भएकोले हर्ष लागेको बताइन । दुवैले सबैले ईनेप्लिज मार्फत चूलो निम्तो समेत दिएका छन् । बिगतमा पनि ए मेरो हजुरलाई माया गर्नु भएकोमा धन्यबाद दिदै अवस्य पनि हामी आगामी आइतबार जुन २६ का दिन हामी दुवै दर्शकहरुसंग भेट्ने प्रतिक्षामा रहेको बताए ।

नेपालमा अत्यधिक सफलता प्राप्त गरेको नेपाली चलचित्र ए मेरो हजुर ४ नेपाली चलचित्र नेपाली अमेरिकन सामुदायिक केन्द्र(न्याक)ले गर्ने भएको छ । चलचित्र भर्जिनिया राज्यको फेयरफ्याक्स स्थित सिनेमा आर्ट्स थेटर नामक चलचित्र मन्दिरमा हुने भएको छ । सँस्थाका अध्यक्ष डा मदन उप्रेतीले पनि सबैलाई चलचित्र हेर्न आउन आह्वान गरेका छन् ।

चलचित्र हेर्न केवल २० डलर मात्र टिकट दर राखिएको छ । जुन २६ आईतबारका दिन प्रथम प्रदर्शन हुने उक्त चलचित्र बारेमा आगामी जुन २३ बिहिबारका दिन राती ८ बजे परोक्ष (जुम मार्फत )नायिका सुहाना थापा ,निर्देशक झरना थापा ,आयोजक सहितको पत्रकार भेटघाट कार्यक्रम समेत राखिएको छ ।

चलचित्रबाट आएको केही आर्थिक लाभ नेपाली अमेरिकन सामुदायिक केन्द्रलाई जानेछ ।

उक्त चलचित्र झरना थापाले निर्देशन गरेकी हुन् भने चलचित्रमा अनमोल केसी र सुहाना थापा रहेका छन् । अनमोल र सुहाना सहित सलोन बस्नेत, सरोज खनाल, रियर राई, रवि गिरी लगायतले यो चलचित्रमा अभिनय गरेका छन् ।

उक्त चलचित्रको टिकट पनि अग्रिम रुपमा खरिद गर्न सकिने छ ।

https://www.xudustore.com/?fbclid=IwAR3dsiiifvGnzkVpEyg7yVQrk6WST_0LFT8THtqsxXQL4cYOjEGL68kgh2A