मायामी विमानस्थलमा विमान अवतरण दाँते(गियर )खसेपछि ३ जना अस्पताल भर्ना,ठूलो दुर्घटना टर्यो

अमेरिकाको फ्लोरिडा राज्यको मायामी अन्तर्राष्ट्रिय विमानस्थलमा व्यावसायिक विमान अवतरण दाँते (गियर) खसेपछि ३ जनालाई अस्पताल भर्ना गरिएको छ।

डोमिनिकन रिपब्लिकबाट रेड एयरको उडानको अवतरण दाँते (गियर) मियामी अन्तर्राष्ट्रिय विमानस्थलमा अवतरण गर्ने क्रममा खसेपछि तीन जनालाई सामान्य चोटपटकका साथ अस्पतालमा भर्ना गरिएको प्रवक्ता ग्रेग चिनले सिएनएनलाई बताए। ठूलो दुर्घटना हुनबाट बचेको छ ।

उक्त उडान सान्टो डोमिङ्गोबाट साँझ ५ः३० मा आउँदै गर्दा दाँते (गियर) भत्किए पछि आगलागी भएको थियो । चिनका अनुसार विमानमा १२६ यात्रु सवार थिए ।

तीन जनालाई सामान्य चोटपटक लागेपछि अस्पताल लगिएको उनले बताए ।

मियामी-डेड अग्नि नियन्त्रण तथा उद्धार टोलीले विमानमा लागेको आगो नियन्त्रणमा भएको बताए । र चालक दलहरूले इन्धन चुहावटलाई कम गरि रहेको ,उनले भने ।

राष्ट्रिय यातायात सुरक्षा समितिले विमान म्याकडोनेल डगलस एमडी-८२ भएको र बुधबार घटनास्थलमा अनुसन्धानकर्ताहरूको टोली पठाउने बताएको छ।