आइतबार, असार १२ २०७९
काठमाडौं २२:२३
वासिङटन डिसी 12:38

क्यालिफोर्नियाको भीरबाट ४ जना खस्दा ,१ जनाको मृत्यु र २ जना महिला गम्भिर घाइते

इनेप्लिज २०७९ जेठ ९ गते २३:४३ मा प्रकाशित

क्यालिफोर्निया राज्यमा सोमबार एकाबिहानै दक्षिणी क्यालिफोर्नियाको एउटा समुन्द्री भीरबाट ४ जना खस्दा एक पुरुषको मृत्यु भएको र दुई जना महिला गम्भीर घाइते भएको अधिकारीहरूले बताएका छन्।

सामान्य चोटपटक लागेको चौथो व्यक्ति तलको समुद्र तटबाट माथि चढ्न सफल भएका छन् । उनले बिहान ४:३० बजे अधिकारीलाई जानकारी गराएको पालोस भर्डेस सम्पत्ति एस्टेट प्रहरी विभागका कप्तान स्टीभ बार्बरले बताए ।

लस एन्जलसका २५ वर्षीय पुरुषको घटनास्थलमै मृत्यु भएको छ । दुई महिलालाई समुद्र तटबाट उदग्रबिमान (हेलीकप्टर)बाट माथि ल्याइएको र प्रत्येकलाई गम्भीर अवस्थामा अस्पतालमा भर्ना गरिएको एबिसीन्यूजले समाचार लेखेको छ ।

दुर्घटनाको जाँच प्रहरीले गरिरहेको बार्बरले बताए ।पालोस भर्डेस भूमि लस एन्जलस काउन्टीको दक्षिणी छेउमा पालोस भर्डेस प्रायद्वीपमा पर्दछ । भीर प्रशान्त महासागर भन्दा लगभग ३०० फिट (९१ मिटर)माथि छ ।

यस क्षेत्रमा धेरै दुर्घटनाहरू भएका र केहीले आत्महत्याहरू समेत गरेको बार्बरले बताए । अहिलेसम्म यो दुर्घटना बाहेक अरु केही हो भन्ने कुनै संकेत छैन ,उनले भने ।

प्रतिक्रिया