युक्रेनी राष्ट्रपति भोलोडिमिर जेलेन्स्कीले युद्ध सुरु भएयता रुसी सेनाले १ हजार भन्दा बढी शैक्षिक संस्था युक्रेनमा ध्वस्त पारेको बताए ।

“रूसी सेनाले १,८७३ शैक्षिक संस्थाहरू नष्ट पारे । यो ठूलो मात्रा हो, ”जेलेन्स्कीले शनिबार आफ्नो रातीको सम्बोधनमा भने।

तथ्याङ्कमा गत फेब्रुअरीमा युद्ध सुरु भएदेखि नै रुसी गोलाबारीबाट प्रभावित प्राथमिक विद्यालयहरू, विश्वविद्यालयहरू, शिशु सदन लगायत अन्य संस्थानहरू समावेश छन्।

जेलेन्स्कीले पोर्चुगलले पोर्चुगलका प्रधानमन्त्री एन्टोनियो कोस्टासँग कीभमा भएको भेटमा युक्रेनी विद्यालय र किन्डरगार्टेन(बाल पाठशाला)को पुनर्निर्माणमा सहयोग गर्ने प्रस्ताव गरेको बताए।

जेलेन्स्कीले शनिबार इटालीका प्रधानमन्त्री मारियो ड्राघीसँग पनि दूरवार्ता कुरा गरे, जसमा राष्ट्रपतिले युक्रेनको युरोपियन संघको मार्गलाई समर्थन गरेकोमा इटालीलाई धन्यवाद दिए। जेलेन्स्कीले दुबै नेताहरूले रुस विरुद्धको प्रतिबन्धको छैटौं सम्पुष्टि (प्याकेज)लाई द्रुत रुपमा गरिनु पर्छ भन्ने कुरामा सहमति भएको बताए ।