आइतबार, असार १२ २०७९
काठमाडौं २३:४८
वासिङटन डिसी 14:03

अमेरिकाको इन्डियानामा ‘लक्षित’ गोलाबारीमा २ जनाको मृत्यु, ३ जना घाइते

इनेप्लिज २०७९ जेठ ८ गते ०:०१ मा प्रकाशित

अमेरिकाको उत्तरी इन्डियानाको एक घरमा लक्षित गोलाबारीमा दुई जनाको मृत्यु भएको र तीन जना घाइते भएको प्रहरीले जनाएका छन् ।

घटना मे २१ शनिबारका दिन दिउँसो ३:२० बजे भएको हो । एक आकस्मिक दूरभाष (टेलिफोन )मार्फत गोलाबारीमा पाँच जना “गम्भीर घाइते” भएको प्रहरीलाई खबर गरिएको गोशेन प्रहरी विभागले सामाजिक संजाल फेसबुक मार्फत सार्वजनिक गरेको छ ।

एक व्यक्तिलाई घटनास्थलमा मृत घोषित गरिएको थियो भने दोस्रो व्यक्तिलाई गोसेनको अस्पतालमा लैजाँदा मृत्यु भएको प्रहरीले जनाएका छन् ।

गोली प्रहारबाट घाइते भएका थप तीन जनालाई इलाका अस्पतालमा लगिएको छ । दुई महिलालाई फोर्ट वेनको ट्रमा(आघात )अस्पतालमा उदग्रबिमान (हेलिकप्टर) लगिएको थियो भने तेस्रो महिलालाई साउथ बेन्डको ट्रमा (आघात )अस्पताल लगिएको प्रहरीले बताए ।

“यद्यपि अनुसन्धान जारी छ, प्रारम्भिक जानकारी अनुसार गोली प्रहार लक्षित गरिएको हो, गिरोहसँग सम्बन्धित नभएको संकेत गर्दछ, र यस समयमा समुदायमा थप खतरा देखिएको छैन,” गोसेन प्रहरी विभागले भन्यो।

एल्खार्ट काउन्टी मानवहत्या इकाईले गोली प्रहारको अनुसन्धान गरिरहेको प्रहरीले जनाएको छ भनि एबिसीन्यूजले समाचार लेखेको छ ।

प्रतिक्रिया