आइतबार, असार १२ २०७९
काठमाडौं २३:४०
वासिङटन डिसी 13:55

मर्सिडिजले हालसालै विश्वको सबैभन्दा महँगो कार १४२ मिलियन डलरमा बेच्यो

विश्वव्यापी छात्रवृत्ति कोष समेत निर्माण गरिने

इनेप्लिज २०७९ जेठ ५ गते २२:३७ मा प्रकाशित

मर्सिडिजले हालसालै विश्वको सबैभन्दा महँगो कार(सानो सवारी साधन) १४२ मिलियन डलरमा बेचेको छ ।

मर्सिडीज-बेन्जले हालै विश्वको सबैभन्दा महँगो कार बेचेको बिहीबार पुष्टि गरेको छ ।

जर्मन गाडी निर्माता (अटोमेकर)को सङ्कलनमा राखिएको एउटा अत्यन्तै दुर्लभ १९५५ मर्सिडीज-बेन्ज एसएलआर कूप एक निजी मालिकलाई €१३५ मिलियनमा बेचिएको थियो । जसको मूल्य १४२ मिलियन डलर बराबर थियो।

हेगर्टी बिमा प्रतिष्ठानका अनुसार उक्त मूल्य अहिलेसम्म बेचेको सबैभन्दा महँगो सवारी साधन (कार )भएको समाचार सिएनएनले प्रकाशित गरेको छ ।

बिक्रीबाट प्राप्त पैसाले मर्सिडीज-बेन्ज कोष स्थापना गर्न प्रयोग गरिने छ । साथै एक विश्वव्यापी छात्रवृत्ति कोष समेत निर्माण गरिने मर्सिडीजले घोषणा गरेको छ ।

यस अगाडी सवारी साधन (कार)को लागि अघिल्लो किर्तिमान बिक्री मूल्य ७० मिलियन डलर १९६३ फेरारी २५० जिटिओ को लागि २०१८ मा भुक्तानी गरिएको थियो।

प्रतिक्रिया