आइतबार, असार १२ २०७९
काठमाडौं २२:५६
वासिङटन डिसी 13:11

भर्जिनिया फेयरफ्याक्समा संदिग्ध हत्या-आत्महत्यामा पुरुष र महिलाको मृत्यु: प्रहरी

इनेप्लिज २०७९ जेठ ३ गते १०:४६ मा प्रकाशित

 

अमेरिकाको भर्जिनिया राज्यको फेयरफ्याक्समा पुरुष तथा महिलाको मृत्यु भएको फेयरफ्याक्स प्रहरी बिभागले जनाएको छ । प्रहरीका अनुसार यो घटना संदिग्ध हत्या र त्यस पछि आत्महत्या भएको हुन् सक्ने बताए ।

जासूसहरूले दिएको जानकारी अनुसार फेयरफ्याक्स काउन्टीको घरमा आफ्नी श्रीमतीलाई गोली हाने पछि आफै आफैलाई गोली हानेको विश्वास गरेका छन् ।

गत शनिबार मृत अवस्थामा फेला परेका दुई व्यक्ति हत्या-आत्महत्यामा मृत्यु भएका दम्पती हुन् भन्ने विश्वास गरिएको छ, अधिकारीहरूले भने।

अधिकारीहरूलाई दिउँसो २:३५ बजे कसैले उक्त घरमा जाँच गर्नको लागि दूरभाष (फोन )गरेका थिए । फेयरफ्याक्स काउन्टी प्रहरीहरु गत मे १४ मा स्टालवर्थ कोर्ट नामक मार्गको १०४०० घरमा गएका थिए । उक्त घर जर्ज मेसन विश्वविद्यालयको क्षेत्रमा छ।

प्रहरीका अनुसार घरमा पुगे पछि त्यहाँ ७६ बर्षिय महिला मेडलिन ब्रेगम्यान र ७७ बर्षिय पुरुष माइकल ब्रेगम्यान घरभित्रै बन्दुकको गोली लागेर चोट लागेको अवस्थमामा फेला परेका थिए । दुवैलाई घटनास्थलमै मृत घोषित गरिएको थियो ।

प्रहरीहरुले त्यहा धेरै गोलीका खोल हरु र बन्दुक घर भित्र फेला पारेका थिए । मृतक माइकल ब्रेगम्यान १९८० को दशकमा १९९० को शुरुवात सम्म वाशिंगटन क्षेत्र कार्यालयमा मदिरा, तंबाकू, बन्दुक र विस्फोटक विशेष गुप्तचर विभागका कर्मचारी थिए भनि एनबिसी वाशिंगटनले समाचारमा उल्लेख गरेको छ

सेवानिवृत्त भएपछि उनले सुरक्षा सल्लाहकारको रूपमा उनि काम गर्थे ।

 

प्रतिक्रिया