आइतबार, जेठ ८ २०७९
काठमाडौं १०:१९
वासिङटन डिसी 00:34

सानको नि:शुल्क स्वास्थ्य मेला कार्यक्रम भव्यताको साथ सम्पन्न

विजय थापा २०७९ वैशाख २७ गते १०:३१ मा प्रकाशित

डिसी महानगर क्षेत्र । सोसाइटी अफ अमेरिकन नेपालिज नर्सेस (सान ) तथा दुर्गा मन्दिरको सहयोगमा आयोजना भएको नि:शुल्क स्वास्थ्य मेला कार्यक्रम भव्यताको साथ सम्पन्न भएको छ ।

अमेरिकाको भर्जिनियाको फेयर फ्याक्स स्थित दुर्गा मन्दिरमा सम्पन्न उक्त शिविर कार्यक्रम अमेरिकाको मदर्स दे अर्थात् आमाको मुख हेर्ने दिन तथा नर्सिङ्ग विक (स्वास्थ्य परिचारिका सप्ताह )को अवसरमा आयोजना गरिएको थियो ।

बिहान ८ बजे नै रक्तदानको लागि झिकाइएको चलायमान सवारी साधन (बस )पुगेको थियो भने ९ बजे देखि नै स्वास्थ्य संचालन भएको थियो ।

बिहानै देखि नै सानका स्वयम् सेवकहरु तथा चिकित्सकहरु को उपस्थिति रहेको थियो । स्वास्थ्य लाभ उठाउन तथा स्वास्थ्य परीक्षण गराउन नेपाली समुदाय सदस्यहरु,बिमा नभएका र अमेरिका भ्रमणमा आएका बुवाआमा ,हजुरबुवा ,हजुरआमाहरुको स्वास्थ्य परीक्षण गरिएको थियो ।

अतिथिहरुलाई सबैलाई फलाहार सहित खाजा/ खाना निशुल्क खुवाइएको थियो । कार्यक्रम बिहान ९- २ बजे सम्म स्वास्थ्य मेला संचालन गरिएको थियो ।

उक्त निशुल्क स्वास्थ्य मेलामा स्वास्थ्य परीक्षण,मधुमेय जाँच,रक्तदान,सिपिआर,प्राथमिक उपचार तथा सचेतना ,एबिआई जाँच,दन्त मुल्यांकन ,कोभिड खोप उपचार कक्ष ,कुर्सि योग ,मानसिक स्वास्थ्य व्यवस्थापन तथा अन्य सेवा प्रदान गरिएको थियो ।

उक्त निशुल्क स्वास्थ्य मेलामा आधा दर्जन नेपाली चिकित्सकहरुले सेवा प्रदान गरेका थिए । सेवा पुर्याउने चिकित्सकहरुमा डा गुणराज सुबेदी,डा दान बिश्वकर्मा,डा नारायण धरेल,डा अनिल सुवाल,डा राजु खनाल ,डा निधि मलिक तथा लगायत चिकित्सकहरु रहेका थिए ।

कार्यक्रममा सानकि अध्यक्ष मंजु कार्की सग्रौलाले सबैलाई स्वागत गर्नुको साथै धन्यवाद दिएकी थिइन् । कोरोना महामारीको कारण २ बर्ष सम्म स्वास्थ्य मेल कार्यक्रम बन्द गर्नु परेको थियो ।

प्रतिक्रिया