पिटौँ अझै ताली पिटौँ
हात दुखुन्जेल पिटौँ
हातमा ठेला उठुन्जेल पिटौं
पिटौं अझै झ्याली पिटौं
भाइरल भेलु बाजेका
छेउ न टुप्पाका गीतमा पिटौँ
प्रचण्डका धम्कीहरूमा पिटौँ
ओलीका उखान टुक्काहरूमा पिटौँ
देउवाका नबुझिने भाषण हरूमा पिटौँ
असक्षम र नालायकी पनहरूमा पिटौँ
आरजुले बजेट रोक्ने भन्दा पनि पिटौँ
विद्रोही विप्लवहरूले ठोक्ने भन्दा पनि पिटौँ
माकुनेका कर्कशे बकवासहरूमा पिटौँ
बाबुराम र यादवका भ्रमहरूमा पिटौँ
कमल थापाका रोदनहरूमा पिटौँ
हामी ताली पिट्नैका लागि जन्मिएका हौँ
हामी झुटा आश्वासन फिट्नैका लागि जन्मिएका हौँ
बोकौँ दलका झन्डा
मिल्काऊँ चन्द्र सूर्य झन्डा
पिटौँ अझै ताली पिटौँ
जिताउँ यिनकै छोरी बुहारी र आफन्तहरु
नाचौँ, हाँसौँ, गाउँ पनि
किनकि रुन बाँकी नै छ जीवन भर।

– रामप्रसाद खनाल