आइतबार, जेठ ८ २०७९
काठमाडौं १०:०८
वासिङटन डिसी 00:23

च्याम्पियन्स लिग फुटबल : भिल्ला रियललाई हराउँदै लिभरपुल फाइनलमा

इनेप्लिज २०७९ वैशाख २१ गते १०:०५ मा प्रकाशित

काठमाडौं।लिभरपुल यूईएफए च्याम्पियन्स लिग फुटबलको फाइनलमा पुगेको छ।आज बिहान भएको सेमिफाइनलको दोस्रो लेगमा लिभरपुलले स्पेनिस क्लब भिल्ला रियललाई ३-२ गोलले हराएको हो।

भिल्ला रियलको घरेलु मैदानमा पहिलो हाफमा डीया र कोकिलिनले एक/एक गोल गरेपछि लिभरपुल पछि परेको थियो।दुई गोलले पछि परेको अवस्थामा लिभरपुलले दोस्रो हाफमा पुनरागमन जित निकालेको हो।लिभरपुलका फर्बिन्हो,लुइस डियाज र साडियो मानेले एक/एक गोल गरे।खेलको ८५ मिनेटमा भिल्लारियल १० खेलाडीमा सिमित भएको थियो । उसका कापोइ दोहोरो पहेंलो कार्ड पाएर बाहिरिएका थिए।

पहिलो लेगमा लिभरपुलले घरेलु मैदानमा २-० को जित निकालेको थियो।समग्रमा लिभरपुल ५-२ गोलको अग्रतासहित फाइनलमा पुगेको छ।अब लिभरपुलले उपाधिका लागि रियल मड्रिड रम्यानचेस्टर सिटी बिचको विजेतासँग खेल्ने छ।

प्रतिक्रिया