बेलायती विदेश सचिवले बुचामा भएको घटनालाई “भयावह कार्यहरू” को सज्ञा दिदै युद्ध अपराधको छानबिन गर्न आह्वान गरेकी छिन । बेलायतकी विदेश सचिव लिज ट्रसले आइतवार रूसी सेनाले युक्रेनी शहर बुचा र इरपिनमा “भयावह कार्यहरू” गरेको आरोप लगाईन र उनीहरूलाई युद्ध अपराधको रूपमा अनुसन्धान गर्न माग गरेकी छिन ।

“रूसी सेनाहरू पछि हट्न बाध्य भएकाले हामीले इरपिन र बुचा जस्ता शहरहरूमा आक्रमणकारी सेनाहरूद्वारा भयावह कार्यहरूको बढ्दो प्रमाण देखिरहेका छौं,” ट्रसले आइतवार एक विज्ञप्तिमा भनिन ।

युक्रेनमा रूसको अवैध र अनुचित आक्रमणको क्रममा निर्दोष नागरिकहरू विरुद्ध तिनीहरूको अन्धाधुन्ध आक्रमणहरू युद्ध अपराधको रूपमा अनुसन्धान गरिनु पर्छ, “ट्रसले थपिन ।

एएफपीले गत शनिबार जारी गरेको विचलित पार्ने तस्बिरहरूमा यस क्षेत्रबाट रूसी सेना फिर्ता लिएपछि कम्तिमा २० नागरिक पुरुषहरूको शव कीभको उत्तरपश्चिममा रहेको बुचा सहरको सडकमा छरिएको अवस्थामा फेला परेको थियो।