युक्रेनी छायाचित्र पत्रकारको रुसी सेनाले हत्या गरेको युक्रेनका महान्यायाधिवक्ताको कार्यालयले जनाएको छ ।

रोयटर्स र बीबीसी लगायतका प्रमुख पश्चिमी समाचार पत्रपत्रिकाहरूमा काम गर्ने युक्रेनी फोटो पत्रकार(छायाचित्र )लाई रुसी सेनाले कीभ नजिकै हत्या गरेको युक्रेनको महान्यायाधिवक्ताको कार्यालयले शनिबार जनाएको छ।

जारी द्वन्द्वलाई कब्जामा लिएका म्याक्सिम (म्याक्स) लेभिनको शव युक्रेनको राजधानीको उत्तरमा अवस्थित व्यासगोरोड जिल्लामा दुईवटा बन्दुकको गोली लागेको अवस्थामा फेला परेको महान्यायाधिवक्ताको कार्यालयले प्रारम्भिक प्रतिवेदनलाई उद्धृत गर्दै सामाजिक संजालमा प्रकाशित गरि जानकारी गराएको छ ।

प्रारम्भिक जानकारी अनुसार रुसी सशस्त्र बलका सिपाहीहरूले निहत्था म्याक्सिम लेभिनलाई दुई गोली हानेर मारेको दावी गरेको छ। उनको आफन्तलाई जानकारी गराइएको कार्यालयले सिएनएनलाई बताएको छ।

छायाचित्रकार मार्कियान लिसिकोले सिएनएनलाई दिएको जानकारी अनुसार उनी अन्तिम पटक मार्च १२ मा म्याक्स भनेर चिनिने साथीसँग सम्पर्कमा थिए, किभको उत्तरी जिल्लामा उनी बेपत्ता हुनुभन्दा अघिल्लो दिन जहाँ उनले लडाइँ भै रहदा नागरिकहरू भागिरहेका देखेका थिए।

तिनीहरूको अन्तिम कुराकानीमा मृतक पत्रकार लेभिनले उनलाई युक्रेनी राजधानी आउन आग्रह गरेका थिए ।

२०१४ देखि डोनबासमा युद्धको आलेख बनाउने लाइसिकोले लेभिनसँग काम गरेका थिए ।