बाइडेनद्वारा ब्रेयरको सेवानिवृत्तिको घोषणा

फेब्रुअरीको अन्त्यसम्ममा अस्वेत महिलालाई सर्वोच्च अदालतमा मनोनयन गर्ने वाचा

राष्ट्रपति जो बाइडेनले बिहीबार औपचारिक रूपमा सर्वोच्च अदालतका न्यायाधीश स्टीफन ब्रेयरको सेवानिवृत्तिको घोषणा गरे ।

उनको “उल्लेखनीय” सेवाको लागि धन्यवाद दिँदै र अदालतमा पहिलो अश्वेत महिलालाई मनोनयन गर्ने आफ्नो प्रतिबद्धता पुन: दोहोर्याएका छन् ।

“मैले मनोनयन गर्ने व्यक्ति असाधारण योग्यता, चरित्र, अनुभव र इमान्दारीता भएको व्यक्ति हुनेछ र त्यो व्यक्ति संयुक्त राज्यको सर्वोच्च अदालतमा मनोनीत हुने पहिलो अश्वेत महिला हुनेछ,” बाइडेनले भने।

“मैले राष्ट्रपतिको चुनावी अभियानमा त्यो प्रतिबद्धता गरेको थिएँ, र म त्यो प्रतिबद्धतालाई निरन्तरता दिनेछु।”

“मेरो विचारमा यो लामो समयदेखि बाँकी छ,” उनले फेब्रुअरीको अन्त्यसम्ममा आफ्नो छनोट गर्ने उल्लेख गर्दै भने।