डिसीको डेज-इन अतिथिगृहमा भोज भै रहेको समयमा गोलाबारी हुँदा एक महिलाको निधन ,४ जना घाइते

वाशिंगटन डिसीको डेज-इन अतिथि गृहमा एकाबिहानै गोलाबारी हुँदा एक महिलाको निधन भएको छ भने ४ जना घाइते भएका छन् ।

उक्त घटना डिसीको उत्तरपश्चिममा भएको हो । प्रहरीका अनुसार उत्तरपश्चिमको डेज-इन पाहुना घर(होटल) भित्रको एक कोठामा भोज भै रहेको समयमा
बन्दुकधारीले गोली चलाउँदा एक महिलाको मृत्यु हुनुको साथै चार जना घाइते भएको प्रहरी बिभागले जनाएको छ।

प्रहरीलाई बिहान ३:३० बजे गोली चलेको खबर गरे पछि प्रहरीहरु डेज इन नामक अतिथि गृहमा बोलाइएको थियो। उक्त अतिथि गृहको प्रवेश गृह(लबी) दुईजना महिलालाई र अर्को एउटा कोठामा गोली लागेको अवस्थामा फेला परेको डीसी प्रहरी प्रमुख रोबर्ट कोन्टीले बताए।

दुई जना पुरुष आफैं अस्पताल गएका थिए भने र अर्की महिला गोली लागेर घाइते भएकी थिइन् । मारिएकी महिलाको तत्काल पहिचान हुन नसकेको कोन्टीले बिहीबार पत्रकार सम्मेलनमा भने।

घटनास्थलबाट एउटा बन्दुक बरामद भएको उनले बताए भनि एनबिसी वाशिंगटनले समाचार लेखेको छ ।