मेरिल्याण्ड हयात्सभिलका नगर प्रमुख केभिन वार्डले आफै गोली हानी आत्महत्या

अमेरिकाको मेरिल्याण्ड राज्यको हयात्सभिलका नगर प्रमुख केभिन वार्डले आफै गोली हानी आत्महत्या गरेका छन् । उनले आफैले चलाएको बन्दुकको गोलीको चोटपटकको कारण मृत्यु भएको नगरले जानाएको छ ।

वार्डको गत मङ्गलबार मृत्यु भएको जो । “नगर प्रमुख एक मूल्यवान र विश्वसनीय नेता र हयात्सभिलका सबै मानिसहरूका लागि एक प्रखर अधिवक्ता थिए। हामी यस क्षतिमा मर्माहत भएका छौं र नगर प्रमुखको परिवारमा गहिरो समवेदना प्रकट गर्दछौं, ” नगरले जारी गरेको विज्ञप्तिमा भनिएको छ।

वार्डले पहिलो पटक २०१९ मा नगरको लागि अन्तरिम नगर प्रमुख रूपमा सेवा गरेका थिए भने पछि २०२१ नगर प्रमुखमा निर्वाचित भएका थिए । ४४ बर्षिय वार्ड डेमोक्र्याक थिए ।

वार्डको शव युनाइटेड स्टेट्स पार्क प्रहरी अधिकारीहरूले फोर्ट मार्सीमा भर्जिनियाको म्याक्लिनको उद्यान (पार्क)मा फेला पारेको एबिसीन्युज७ ले समाचार लेखेको छ । नगर प्रमुख हुनु अगाडी उनि नगर परिषदका सभापति पनि थिए ।