एफबीआईले टेक्ससको यहूदी उपासनागृहमा ४ जनालाई बन्धक बनाउने र संदिग्धको पहिचान ,उनि बेलायती नागरिक

एफबीआईले टेक्ससको कलिभलको यहूदी उपासनागृहमा ४ जनालाई बन्धक बनाउने र मारिने संदिग्धको पहिचान गरेको छ। एफबीआईले आइतवार उक्त बन्दुकधारी संदिग्ध व्यक्ति ४४ वर्षीय बेलायती नागरिक मलिक फैसल अकरम भएको बताएका छन ।

उक्त संदिग्धले गत शनिबार एक घण्टा लामो अवरोधमा चार जनालाई बन्धक बनाएका थिए । जसमा उद्धार टोलीले भवनमा पसेर संदिग्धलाई मारेका थिए ।

एफबीआईको बन्धक उद्धार टोलीले राति ९ बजेतिर बन्धकहरूलाई रिहा गरेपछि अकरमलाई मारेका थिए। टेक्ससको फोर्ट वर्थबाट करिब १५ माईल टाढा कोलभिल स्थित बेथ इजरायल सभागृहबाट अन्वेषकहरूले एक बन्दुक बरामद गरेका छन् ।

कलिभलका प्रहरी प्रमुख माइकल मिलरले गत शनिबार बिहान करिब ११ बजे सामाजिक संजाल फेसबुक र जुममा बिहानी सेवालाई प्रत्यक्ष प्रसारण गर्दा अकरम सभाघरमा प्रवेश गरेको झण्डै ११ घण्टा पछि समाधान भएको थियो ।

एक आध्यात्मिक शिक्षक (राबाइ)सहित चार जनालाई सुरुमा बन्धक बनाइएको थियो। एक बन्धकलाई करिव स्थानीय समय करिव ५ बजे सकुशल रिहा गरिएको थियो ।

उक्त बन्धक काण्डमा एफबिआइ र टेक्ससको सार्वजनिक सुरक्षा विभागले बन्दुकधारीसंग वार्तालाप गरेका थिए ।

मण्डली बेथ इजरायल युनियन फर रिफर्म (सुधारको लागि संघ)यहूदी धर्मसँग सम्बद्ध छ, जसको आधिकारिक अन्तर्जालस्थल(वेबसाइट) मण्डलीले १५७ सदस्यता परिवारहरूलाई सेवा गर्दछ भनि उल्लेख गरेको छ भनि सिएनएनले समाचार लेखेको छ ।

कलिभल शहरको यहूदी उपासनागृह १९९९ मा २५ परिवार सदस्यहरुबाट स्थापित गरिएको थियो । उत्तरपूर्वी टारन्ट काउन्टीमा यो पहिलो यहूदी सभागृह थियो। आधिकारिक रूपमा २००५ मा आफ्नै नयाँ भवन निर्माण गरिएको थियो ।

यो घटना बारे राष्ट्रपति जो बाइडेनलाई यसको जानकारी गराईएको थियो भने टेक्ससका गभर्नर र सिनेटरहरुले नजिकबाट यसलाई निगरानी राखेका थिए ।

प्रहरीले उक्त क्षेत्र खाली गरेको र प्रहरीले मानिसहरुलाई उक्त क्षेत्रमा नजान आग्रह गरेको थियो ।