पर्वतमा निर्माणधिन मोदी हिमाल हाइड्रोपावरमा काम गर्ने क्रममा करेन्ट लागेर ३२ वर्षीय मजदुरको मृत्यु भएको छ।

पर्बत जिल्ला फलेबास नगरपालीका वडा नम्बर ४ मणिकुवा स्थायी घर भई  कास्की जिल्ला अन्नपुर्ण गाउपालिका-५ नयाँपुल बस्ने  अन्दाजी ३२ वर्षको गङ्गा बहादुर नेपाली पर्वत जिल्ला मोदी गाउँपालीका-२ मा निर्माणाधिन मध्य मोदी हिमाल हाईड्रो पावर को TEL LESS टनेलमा काम गर्ने क्रममा अचानक करेन्ट लागी पानीमा डुबी मङ्सिर २७ गते बिहान १० बजेदेखि बेपत्ता भएका थिए ।

घटनाको जानकारी लगत्तै हाइड्रोपावरका मजदुर र प्रहरीको टोलीले खोजि कार्य गरे पनि मङ्सिर २८ गते बिहान १०:४० बजे  निजलाई मृत अवस्थामा फेला पारीएको हो।

उक्त घटनाको विषयमा थप अनुसन्धान भईरहेको गण्डकी प्रदेश प्रहरी कार्यालय पोखराका प्रहरी उपरीक्षक अरुण पौडेलले जानकारी दिएका छन्।