आइतबार, माघ ९ २०७८
काठमाडौं १४:०१
वासिङटन डिसी 03:16

जनसम्पर्क समिति अमेरिकाको तेश्रो महाधिवेशन आईतवार

इनेप्लिज २०७८ मंसिर १८ गते २३:५३ मा प्रकाशित

न्यूयोर्क,डिसेम्वर ४ । जनसम्पर्क समिति अमेरिकाको तेश्रो महाधिवेशन डिसेम्वर ५ तारिख आईतवारको लागि तय भएको छ । प्रधानमन्त्री तथा नेपाली कांग्रेसका सभापति शेरबहादुर देउवाले उदघाटन गर्नुहुने अधिवेशनमा सहभागिताको लागि आव्हान गर्दे नेपाली कांग्रेसका आमन्त्रित केन्द्रीय सदस्य तथा जनसम्पर्क समिति अमेरिकाका अध्यक्ष आनन्द विष्टले एक अपिल प्रकाशित गर्नु भएको छ ।

विष्टले मातृपार्टी नेपाली कांग्रेसको १४ औ महाधिवेशनको पूर्वसन्ध्यामा अधिवेशन सम्पन्न गर्नका लागि पार्टीको तर्फवाट परिपत्र आएको उल्लेख गर्दे पार्टीका शुभेच्छुकहरु सवैलाई सहभागिताको लागि समेत अपिल गर्नु भएको छ । विष्टले जारी गर्नु भएको विज्ञप्तिमा भनिएको छ –अत्यन्तै छोटो र अन्तिम घडीमा अधिवेशन सम्पन्न गर्न परेकोले नेपाली कांग्रेसको विभिन्न तह र निकायमा रही काम गर्देै हाल अमेरिकामा रहनु भएका सवै जिम्मेवारी व्यक्तित्वहरु,जनसम्पर्क समिति अमेरिकाको स्थापना काल देखि हाल सम्म विभिन्न जिम्मेवारीमा रहेर काम गर्नु भएका अग्रज,विगतमा महाधिवेशन तथा महासमितिमा रहेर काम गर्नु भएकाहरु,समितिको केन्द्रीय तथा च्याप्टरमा रहनु भएका तथा क्रियाशील सदस्यहरु लगायत सवैमा सहभागिताको लागि विष्टले अनुरोध गर्नु भएको छ ।

जनसम्पर्क समिति अमेरिकाका प्रचार विभाग प्रमुख गौतम दाहालले दिनु भएको जानकारी अनुसार अधिवेशनको उदघाटन सत्रमा महामन्त्री डा.शंशाक कोईराला,सह महामन्त्री डा.प्रकाश शरण महत, केन्द्रीय सदस्य वीर वहादुर वलायर,केन्द्रीय सदस्य गोविन्द भट्टराई,महाधिवेशनको लागि नेपाली कांग्रेसको तर्फवाट केन्द्रीय प्रतिनिधी नारायण सुवेदी ,नैन सिंह महर लगायतले सम्वोधन गर्नु हुने कार्यक्रम रहेको छ ।

जनसम्पर्क समिति अमेरिकाको तेश्रो महाधिवेशन उदघाटन समारोह न्यूयोर्कको समय अनुसार विहान ९ वजेलाई तोकिएको छ ।

प्रतिक्रिया