शुक्रबार, जेठ १३ २०७९
काठमाडौं १८:३४
वासिङटन डिसी 08:49

एमालेका नेता तथा कार्यकर्ताले चितवनको विकास देख्नेछन् : नेतृ पुनम यादव

इनेप्लिज २०७८ मंसिर ९ गते १९:२९ मा प्रकाशित
अहिले चितवन जिल्ला राजनीतिक चर्चाको केन्द्रबिन्दुमा छ।केही दिन अगाडि सिपी मैनाली नेतृत्वको नेकपा (माले) को महाधिवेशन चितवनमै भयो।शुक्रवारबाट नेकपा (एमाले) को दशौं महाधिवेशन पनि चितवनमै हुँदैछ।एमालेले महाधिवेशनका लागि चितवन रोज्नुलाई विभिन्न रुपमा अर्थ्याइएको छ।पुष्पकमल दाहाल प्रचण्डको बलियो पकड मानिने चितवनमा एमालेले महाधिवेशन गर्नुलाई माओवादी पंक्तिले भने चितवनको विकासलाई मुख्य कारण मानेका छन्।

अखिल नेपाल महिला संघ (क्रान्तिकारी) की केन्द्रीय सदस्य तथा रौतहट जिल्लाकी प्रभावशाली नेतृ पुनम यादवले एमालेले चितवनको विकासले देखेर आफ्नो दशौं महाधिवेशनका लागि उक्त स्थान रोजेको दाबी गरेकी छन्।एमालेको उद्घाटन सत्रमा देशभरबाट उपस्थिति हुने ४० प्रतिशत मात्र एमालेको कार्यकर्ता हुने र ६० प्रतिशत चितवनको विकास हेर्न आउने उनको भनाई छ।

नेतृ यादवले भनिन्,‘भक्तपुर महानगरपालिकालाई मेयर रेणु दाहालले संसारकै नमुना महानगर बनाउनुभएको छ।अहिले चितवनले बाह्य र आन्तरिक पर्यटकलाई मात्र आकर्षित गरेको छैन,अधिकांश राजनीतिक दलहरुको पनि यही नजर परेको छ।एमालेका नेता तथा कार्यकर्ताले यसपटक रेणु दाहालले बनाएको नुमना महानगरपालिका हेरेर जानेछन्।यो खुसीको कुरा हो।’

नेतृ यादव भक्तपुर महानगरपालिकाकी मेयर रेणु दाहाललाई संसारकै सफल र उदाहरणीय मेयर भन्न रुचाउँछिन्।उनी अगाडि भन्छिन्,‘चितवनमा जस्तो विकासको लहर अहिले कुनै पनि महानगर,उपमहानगरमा भएको छैन।दिनरात चितवनको विकासका लागि रेणु दाहाल खटिरहनुभएको छ।उहाँले आफ्नो कार्यकालमा चितवनलाई थप गर्व गर्न लायकको महानगर बनाउनुहुनेछ ।’

प्रतिक्रिया