नेल्सन मण्डेलालाई मुक्त गर्ने दक्षिण अफ्रिकाका अन्तिम रंगभेदी नेता एफडब्ल्यू डे क्लेर्कको ८५ वर्षको उमेरमा निधन भएको छ ।

दक्षिण अफ्रिकाका पूर्व राष्ट्रपति तथा नोबेल शान्ति पुरस्कार विजेता एफडब्ल्यू डे क्लेर्कको ८५ वर्षको उमेरमा निधन भएको एफडब्ल्यू डे क्लेर्क प्रतिष्ठान (फाउन्डेसन)ले बिहीबार जनाएको छ ।

रंगभेद दक्षिण अफ्रिकाका अन्तिम नेता कलेर्कले १९९३ मा शान्ति पुरस्कार आफ्नो उत्तराधिकारी नेल्सन मन्डेलासँग बाँडेका थिए । जसलाई उनले कारागार बाट रिहा गरेका थिए ।

डे क्लेर्कको मेसोथेलियोमा अबुर्द रोग (क्यान्सर)बाट फ्रेस्नेमा उनको घरमा निधन भएको फाउन्डेसनले बिहीबार जनाएको छ।

एक गहिरो रूढ़िवादी राजनीतिज्ञ जसको दलले लामो समयदेखि रंगभेदलाई समर्थन गरेको थियो । डे क्लेर्क अन्ततः आफ्नो देशको पाँच वर्षको शासनकालमा दक्षिण अफ्रिकामा परिवर्तनको अविश्वसनीय कर्ता बने।

गृहयुद्धको आसन्न सम्भावनालाई स्वीकार गर्दै उनले मन्डेलालाई मुक्त गरेर र अफ्रिकी नेसनल कांग्रेसलाई वैधानिक बनाएर आफ्नो राजनीतिक वंशलाई चकित पारे।

१९९३ मा क्लेर्क र अन्य नेताहरूले नयाँ संविधानलाई अनुमोदन गरे जसले औपचारिक रूपमा दक्षिण अफ्रिकामा दशकौंदेखिको जातीय विभेदको अन्त्य गर्‍यो।

उनि अन्ततः दक्षिण अफ्रिकाको पहिलो बहुजातीय चुनावमा मण्डेलाबाट हारेका थिए भनि सिएनएनले समाचार लेखेको छ ।

तस्बिर :एपी