बिहीबार, भदौ २ २०७९
काठमाडौं १७:१५
वासिङटन डिसी 07:30

नर्थ क्यारोलाईनाको एक माध्यमिक बिद्यालयका बिधार्थीलाई गोली हानी हत्या , संदिग्धको खोजी जारी

इनेप्लिज २०७८ भदौ १६ गते २२:३७ मा प्रकाशित

नर्थ क्यारोलाईना राज्यको विन्सटन सेलम शहरको एक माध्यामिक विद्यालयका बिधार्थीलाई गोली हानी हत्या गरेकोमा संदिग्धको खोजी जारी राखिएको समाचार सिएनएनले लेखेको छ ।

सेप्टेम्बर १ बुधवारका दिन उक्त घटना भएकोले प्रहरी अधिकारीहरूले उनको व्यापक खोज तलास गरि रहेको जनाएका छन् । उक्त शहरको माउन्ट ट्याबर माध्यमिक बिद्यालयमा गोली काण्ड घटेको फोर्सिथ काउन्टीका शेरिफ कार्यालयले सामाजिक संजाल मार्फत जानकारी गरेका थिए ।

उक्त घटना बुधवार दिउसो १२: ०७ मिनेट (अमेरिकी पूर्वीय समय)मा घटे पछि प्रहरीहरु त्यहाँ पुगेको विन्सटन सेलम प्रहरी विभागका प्रमुख क्याटरिना थोम्सनले पत्रकारहरूलाई बताइन ।

उनका अनुसार एक बिधार्थीलाई गोली हानी घाइते बनाइएको थियो । उनलाई प्राथमिक स्वास्थ्य टोलीले बचाउन पुरै कोसिस गरे । उनलाई वेक फोरेस्ट विश्वविद्यालय बप्टिस्ट चिकित्सा केन्द्रमा लागिएको थियो भने चोटपटकको कारण उनको निधन भएको उनले बताइन ।

प्रहरीले संदिग्ध विद्यार्थी नै भएको शका गरिएको र अझ सम्म पनि संदिग्धलाई पक्राउ गर्न नसकिएको उनले बताइन । घटना पछि विद्यालय पुरै बन्द गरिएको सामाजिक संजाल ट्वीटर सार्वजनिक गरिएको छ ।

पछि बिधालय बन्द खोलिएको जनाईएको छ । गोलीबारी पछि बिधार्थीहरुलाई नजिकैको ह्यारिस टिटर नामक किराना पसलमा राखिएको र अभिभावकहरूले त्यहाँबाट लैजानु पर्ने व्यवस्था मिलाईएको थियो ।

गभर्नर रोय कूपरले एक वक्तव्यमा गोलीकाण्ड बारेमा जानकारी दिइएको र कुनै पनि आवश्यक सहयोग प्रदान गर्न को लागी तैयार रहेको उनले बताए । “हामीले विद्यार्थी र शिक्षकहरूको सुरक्षा सुनिश्चित गर्नको लागी काम गर्नु पर्छ, चाँडै बन्दुकधारीलाई पक्रनु पर्छ र बन्दुक विद्यालयको मैदानबाट टाढा राख्नु पर्छ,” उनले भने।

प्रतिक्रिया