सोमबार, साउन २३ २०७९
काठमाडौं ०३:५०
वासिङटन डिसी 18:05

कोरोना विरुद्ध खोपका कट्टर विरोधी रेडियो कर्मीको कोरोनाबाट निधन

इनेप्लिज २०७८ भदौ १६ गते १:०८ मा प्रकाशित

फ्लोरिडा राज्यका रूढ़िवादी रेडियो कर्मीको कोरोना संक्रमणबाट निधन भएको छ । उनि कोरोना बिरुद्ध खोपका कट्टर विरोधी थिए । उनको मृत्यु संगै एक महिनामा कोरोना बिरुद्ध खोप र मुखावरण(मास्क)का कट्टर बिरोधी उनि सहित ३ रेडियोकर्मीको ज्यान गएको छ ।

गत शनिबार ६५ बर्षको उमेरमा ३ हप्ता सम्म कोरोना संक्रमित भए पछि मृत्युसंग जुध्दै अन्तत्वगत्वा उनको मृत्यु भएको छ । मार्क बरनियर नाम गरेका उनि डब्लुएनडिबि रेडियो कार्यक्रमका संचालक थिए । उनले मानिसहरुलाई करिव ३० बर्ष सूचनाको साथै मनोरंजन गराएका थिए ।

उनि कोभिड-१९ को खोपका यती कट्टर विरोधी थिए कि अमेरिकी सरकारलाई नाजी झैँ नाटक गर्दै जनतालाई खोप लगाउन प्रोत्साहन गर्छ भनि आरोप लगाएका थिए । उनि उक्त रेडियोमा दिउसो ३ घण्टा,सप्ताहन्तमा र विशेष कार्यक्रम संचालन गर्थे ।
.
उनि भन्दा ८ दिन अगाडी टेनेसिका ६१ बर्षिय फिल भ्यालेन्टाइनको कोरोनाबाट निधन भएको थियो भने उनि पनि कोभिड-१९ बिरुद्ध खोपका कट्टर बिरोधि थिए । उनि एक महिना अस्पताल भर्ना भए पछि उनको ज्यान गएको थियो ।

त्यस्तै अर्का दक्षिण फ्लोरिडाका डिक फरेल पनि खोपका कट्टर बिरोधि थिए । उनको निधन अगस्त ६ का दिन ६५ बर्षको उमेरमा भएको थियो भने उनले आफ्ना प्रशंसकलाई खोप नलगाउनु भनेका थिए ।

बर्नियरले फ़ाइजरको खोपलाई आकस्मिक प्रयोगको लागी अनुमति दिंदा पनि खुब बिरोध गरेका थिए भनि न्युयोर्क डेली न्युजडटकमले लेखेको छ ।

प्रतिक्रिया