आइतबार, साउन २२ २०७९
काठमाडौं २२:१२
वासिङटन डिसी 12:27

अमेरिकाका १४ राज्यहरुमा गत हप्ता कोरोनाबाट मृत्यु हुने दरमा ५० प्रतिशत वृद्धि, अलाबामा शवहरु राख्ने ठाउँ नै छैन

इनेप्लिज २०७८ भदौ १३ गते ०:१८ मा प्रकाशित

अमेरिकाको ४२ वटा राज्यहरुमा गत हप्ता कोरोनाभाइरसबाट मृत्यु दर निकै बढेको जोन्स हप्किन्स बिश्वबिद्यालयको नयाँ तथ्याँकले देखाएको छ । डेल्टा प्रजातिको कोरोना भाइरसको वृद्धि व्यापक हुने थालेको पाइएको छ ।

जोन्स हप्किन्सको गत शुक्रबारको तथ्यांक अनुसार अमेरिकाका १४ राज्यहरुमा गत हप्ता कोरोनाबाट मृत्यु हुने दरमा ५० प्रतिशत वृद्धि भएको छ । यसैगरी अलाबामा शवहरु राख्ने ठाउँ नै छैन भनि अलाबामा स्वास्थ्य अधिकारीले बताएका छन् ।

अन्य २८ वटा राज्यहरुमा पनि कम्तिमा १० प्रतिशत कोरोनाभाइरसको वृद्धि भएको सिएनएनले उल्लेख गरेको छ । अलाबामाका राज्यका स्वास्थ्य अधिकारी डा स्कट ह्यारिसले गत शुक्रबार अलाबामा सबैभन्दा धेरै प्रभावित राज्यहरू मध्ये एक हो भने । उनले अस्पताल भर्ना संख्या निकै उच्च भएको बताए । मृत्यु दर आकासिदै गएकोले शवहरुलाई व्यवस्थापन गर्न स्वास्थ्य अधिकारीहरुलाई शव गृहमा घुम्ती ठेलागाडी (मोबाइल ट्रेलर)प्रयोग गर्नु परेको जनाए ।

उनले यहाँ पर्याप्त मानिसहरु मरिरहेका छन् । शवहरु राख्नको लागी कुनै ठाउँ छैन । “हामी साँच्चै एक संकटको स्थितिमा छौं। … मलाई थाहा छैन अब हामी यो गर्नको लागी हामी कति समय सम्म सक्षम हुन्छौ ।” उनले थपे ।

अलबामामा गत बिहीबार कोभिड-१९ बाट ५० जनाको मृत्यु भएको जनाएको थियो भने विगत २ देखि ३ हप्तामा “मृत्यु हुनेको संख्यामा दोब्बर अंक” देखिएको ह्यारिसले भने।

गत हप्ता अलाबामामा कम्तीमा ५,५७१ जना बच्चाहरु कोभिडबाट संक्रमित भएका छन् । बच्चाहरू कसरी कोरोना भाइरस संक्रमित भए भन्ने बारेमा हामीलाई थाहा नभएको बताए ।

ह्यारिसले भने अलाबामा राज्यमा हाल २३% कोभिड सक्रमित दर छ ,जुन देशमा सबैभन्दा उच्च भएको उनले स्वीकारे ।

प्रतिक्रिया