बिहीबार, भदौ २ २०७९
काठमाडौं १५:५१
वासिङटन डिसी 06:06

डिसीको एक विद्यालय बाहिर बिद्यार्थी बीच वादविवाद हुँदा छुरा प्रहारबाट एक बिद्यार्थीको मृत्यु

इनेप्लिज २०७८ भदौ ३ गते १:०१ मा प्रकाशित

राजधानी वाशिंगटन डिसीको एक विद्यालय बाहिर विद्यार्थी बीच वाद-विवाद हुँदा छुरा प्रहारबाट एक विद्यार्थीको मृत्यु भएको छ । दुई किशोर बीच वाद-विवाद हुँदा उक्त घटना भएको प्रहरीले जनाएको छ ।

डिसी स्थित केआईपीपी डिसी कलेज प्रिपेरेटोरी बिद्यालय बाहिर छुरा काण्ड भएको हो । उक्त बिद्यालय डिसीको उत्तरपूर्वमा रहेको छ । डिसी प्रहरीका अनुसार उक्त स्थानमा धेरै युवा किशोरहरूको उपस्थिति भएको अवस्थामा दुई किशोरहरु बीच झगडा हुँदा एक जनाको ज्यान गएको छ ।

उक्त छुरा प्रहारबाट १५ बर्षिय युवाको निधन भएको छ भने १६ बर्षिय किशोरले छुरा प्रहार गरेका हुन् । प्रहरी प्रमुखले झगडा के कारणले भयो त्यस बारेमा थाहा नभएको उनले बताए । उक्त समयमा काममा नभएको अवस्थामा झगडा भए पछि भित्र रहेका प्रहरीले डिसी महानगरका प्रहरीलाई बोलाएका थिए ।

उक्त घटना पछि विद्यालयले बिहीवार कक्षा रद्ध गरेका छन् भने आगामी दिनमा थप प्रहरीहरूको उपस्थिति हुने र निजी सुरक्षाको व्यवस्था गरिने जनाएका छन् ।

तस्बिर :लोरेंजो हल

प्रतिक्रिया