तालिबानका प्रवक्ताले भने काबुल लगभग पूर्ण नियन्त्रणमा

पूर्व सरकारी अधिकारीहरुको खोजी गर्न ढोका ढोकामा नजाने

तालिबानका प्रवक्ताले काबुल लगभग पूर्ण नियन्त्रणमा रहेको बताएका छन् । प्रवक्ता जबीहुल्लाह मुजाहिदले हाम्रो समूहले राजधानी काबुल करिव करिव कब्जा गरेको सामाजिक संजाल मार्फत जानकारी गराएका छन् ।

उनले अगस्त १६ सोमवारका दिन सामाजिक संजाल ट्वीटरमा उक्त कुरा जानकारी गराएका हुन् । मुजाहिदका अनुसार मौकाको अनुचित फाइदा उठाउने र अवसरवादीहरू हिँसामा संलग्न भएकोले उनीहरूलाई पक्राउ गरिएको जनाएका छन् ।

प्रवक्ताले पुन: स्मरण गराउदै उनको समूहले पूर्व सरकारी अधिकारीहरुको खोजी गर्न ढोका ढोकामा नजाने प्रतिबद्धता दोहोर्याएका छन् । उनले कसैले पनि धम्कि नदिने र कसैले पनि उनीहरुका सवारी साधन माग्न घर घर जाने अनुमति नदिने उनले लेखेका छन् ।

यस्ता गतिविधिमा संलग्न भएको पाइएमा त्यसको परिणाम गम्भीर हुने उनले बताएको समाचार सिएनएनले लेखेको छ ।