मेरिल्याण्डमा भूकम्प

अमेरिकाको मेरिल्याण्ड राज्यमा बुधबार बिहान भूकम्पको सानो धक्का आएको छ । मेरिल्याण्ड राज्यको मध्य भागमा बुधबार अगस्त ४ का दिन आएको भूगर्भीय सर्वेक्षणले जनाएको छ ।

उक्त भूकम्पले बिहानीपख केही भाग हल्लिएको छ । अमेरिकी भूगर्भविदका अनुसार २. १ मापनको भूकम्प मेरिल्याण्ड राज्यको क्लार्क्सभिललाई केन्द्र बिन्दु बनाएर आएको थियो ।

बुधबार बिहान २:११ मिनेट जाँदा करिव १.८ माइल्स जमिन मुनि कम्पन गएको थियो । भूकम्प आएको २ घण्टा भित्र २ सय जना भन्दा ज्यादाले महसुस गरेको प्रतिक्रिया दिएका थिए ।

उक्त भूकम्पको महसुस मेरिल्याण्ड राज्यको होवार्ड,मोन्टगोमेरी,प्रिन्स जर्ज तथा क्यारोल काउन्टीका वासिन्दाले प्रतिक्रिया गरेका छन् भनि डब्लुटिओपीले आफ्नो समाचारमा उल्लेख गरेको छ ।