सोमबार, असोज ४ २०७८
काठमाडौं १३:१५
वासिङटन डिसी 03:30

मेरिल्याण्डमा ३ महिलाहरु माथि गोली प्रहार,दुई जनाको मृत्यु एक गम्भीर घाइते

इनेप्लिज २०७८ साउन १७ गते १३:२६ मा प्रकाशित

अमेरिकाको मेरिल्याण्ड राज्यमा ३ महिलाहरू माथि गोली प्रहार गर्दा दुई जनाको मृत्यु भएको छ भने एक जना गम्भीर घाइते भएकी छिन । दुई दिनको अन्तरालमा भएको गोली काण्डमा ३ महिलाहरू सहित ४ जनाको ज्यान गएको प्रहरीले जनाएका छन् ।

साथै कूल २ जनाको गम्भीर अवस्था भएको अस्पताल भर्ना गरिएको छ । प्रिन्स जर्ज काउन्टी प्रहरीले यसको व्यापक अनुसन्धान गरि रहेको छ भने घटना ३ वटा पृथक स्थानमा भएको थियो ।

पहिलो घटना गत शुक्रवार राती १०:५० मिनेटमा पामर पार्क(उद्यान)मा भिलेज ग्रिन ड्राइभमा भएको थियो । प्रहरीका अनुसार प्रहरीहरू त्यहाँ पुग्दा ३ जना महिलाहरूलाई गोली लागेको अवस्थामा फेला पारेका थिए । त्यही समयमा एक जना महिलालाई मृत घोषित गरिएको थियो बहने पछि अर्की महिलाको अस्पतालमा मृत्यु भएको थियो ।

तेश्रो महिलाको अवस्था पनि चिन्ताजनक रहेको प्रहरीले जनाएका छन् । त्यस पछि पुन ल्याण्डओभर स्थित मार्टिन लुथर किङ्ग जुनियर राजमार्गमा एक वयस्क व्यक्तिलाई गोली हानिएको थियो भने उनको घटनास्थल मै मृत्यु भएको थियो ।

त्यसै गरि शनिवार बिहान करिव ३:२५ मिनेटमा चिलम भन्ने स्थानमा एक महिला र पुरुष गाडी भित्र घाइते अवस्थामा फेला परेको प्रहरीले जनाएका छन् भनि डब्लुटिओपीले समाचार लेखेको छ ।

प्रतिक्रिया