अध्यावधिक गरिएको : फ्लोरिडामा भत्किएको भवनमा कूल मृतकको संख्या ९८ पुग्यो,हराएका सबै जनाको पहिचान

फ्लोरिडाको भत्किएको भवनमा कूल मृतकहरूको संख्या ९८ पुगेको छ । । मायामी डेड काउन्टीका नगर प्रमुख डानीला लेभिन काभाले सोमबार दिउसो जुलाई २६ का दिन जानकारी दिँदै कूल मृतकको संख्या ९८ पुगेको बताइन । उनले सबैको पहिचान भएको पत्रकारहरुलाई जानकारी दिएकी छिन ।

अन्तिम पीडित ५४ बर्षिय इसटेल हेडाया भएको पुष्टि भएको छ । उनको डाह संस्कार न्युयोर्कको ब्रुकलिनमा गरिने भएको छ ।

मायामी डेड काउन्टीका अनुसार हाल सम्म लाखौ मिलियन पाउण्ड फोहोरको थुप्रो अर्थात् कंक्रिट(ढुंगा,सिमेन्ट र बालुवा ईटा ) हटाईएको छ ।

३३ औ दिन सम्म पनि फ्लोरिडा र अन्य धेरै राज्यका उद्धारकर्मीहरू र आपतकालीन समर्थन टोलीहरूले १२/१२ घण्टाको पालोमा काम गरेका थिए । अर्थात् दुई परिवर्तन समय(सिफ्ट)मा काम गरेका थिए ।

उक्त भवन फ्लोरिडा राज्यको मायामी शहर नजिक सर्फसाइड नामक शहरमा रहेको १२ तले भवन गत जुन २४ का दिन बिहान बिहीवार उक्त भवन आंशिक रुपमा भत्केको थियो । उक्त समयमा अधिकांश मानिसहरु मस्त सुतिरहेका थिए ।

उक्त घटना बिहान १:३० मिनेटमा भएको थियो भने उक्त शहर मायामी समुन्द्रतट भन्दा करिव ६ माइल उत्तरमा पर्दछ । करिव ५५ वटा कन्ड़ोनियम(एक परिवार लागि पुग्ने फ्लाट अर्थात् एक तला -इकाई ) भवन खसेको थियो ।

उक्त भवन १९८१ मा निर्माण गरिएको हो भने सर्फसाइड शहर स्थित एक समुन्द्रतटको दक्षिणपूर्वको कुनामा रहेको छ ।