मंगलबार, साउन २४ २०७९
काठमाडौं १३:३५
वासिङटन डिसी 03:50

डिसीमा दुई किशोरहरुलाई गोली हानी हत्या ,एक जना अस्पताल भर्ना

इनेप्लिज २०७८ साउन १२ गते ११:१६ मा प्रकाशित

अमेरिकाको राजधानी वाशिंगटन डिसीमा दुई किशोरहरुलाई गोली हानी हत्या गरिएको छ । प्रहरीले दुवैजनाको नाम सार्वजनिक गरेको छ भने उक्त घटना यसै सप्ताहन्तमा घटेको हो । वाशिंगटन डिसीको उत्तरपश्चिममा उक्त गोली काण्डमा दुई जना युवाहरुलाई गोली प्रहार गरिदा उनीहरुको निधन भएको हो ।

गत आइतबार दिउसो गोली प्रहारबाट निधन हुनेहरुमा २२ बर्षिय जोभन हिल जुनियर तथा तारिक रिलेलाई ४ बजे अगाडी गोली हानिएको थियो । उक्त घटना पछि उद्धार टोली डिसीको १०० भवन समूहको क्यु मार्गमा पुगेका थिए ।

उनीहरुको दुवैको मृत्यु घटनास्थल मै भएको थियो भने अर्का एक जनालाई गोली लागेकोले उनलाई अस्पताल भर्ना गरिएको छ । र ,उनको स्वास्थ्य स्थिति स्थिर रहेको प्रहरीले बताएका छन् ।

तीन जना पीडित एकै छिमेकका हुन् । प्रहरीले सम्भवत ओखति ओसार पसार तथा गाँजा लेनदेन बारेमा उक्त घटना घटेको हुन् सक्ने शंका उप शंका गरेका छन् भनि एनबिसी वाशिंगटन डटकमले समाचार प्रकाशित गरेको छ ।

प्रतिक्रिया