बिहीबार, भदौ २ २०७९
काठमाडौं १७:१६
वासिङटन डिसी 07:31

अमेरिकी प्रथम महिला जील बाइडेनले ओलम्पिकमा अमेरिकी प्रतिनिधिमण्डलको नेतृत्व गर्ने

इनेप्लिज २०७८ असार २९ गते २३:२६ मा प्रकाशित

जापानमा हुने ओलम्पिकमा अमेरिकी प्रथम महिला जील बाइडेनले अमेरिकी प्रतिनिधिमण्डलको नेतृत्व गर्ने भएकी छिन् । ह्वाइट हाउसले आगामी जुलाई २३ मा हुने उद्घाटन समारोहमा समेत सहभागी हुने गरी प्रथम महिला बाइडेन सहभागी हुने  जनाएको छ ।

उद्घाटन समारोहमा अमेरिकी राष्ट्रपति जो बाइडेनको सहभागिताको अपेक्षा गरिएत अपनी कोरोनाभाइरसको कारण बाइडेन नजाने भएका छन् भने उनले प्रथम महिलालाई पठाउने भएका छन् ।

प्रतियोगिताको लागि २०५ देशका खेलाडी सहभागी हुने आयोजकले बताएका छन् ।

कोरोना संक्रमण अत्यधिक वृद्धि भएकोले व्यापक बिरोध भएता पनि दर्शक नभएता पनि प्रतियोगिताको आयोजना गरिने भएको छ ।  जापानमा बन्दाबन्दी पनि छ । सन् २०२० मा हुनुपर्ने ओलम्पिक प्रतियोगिता कोरोनाभाइरसको महामारीका कारण एक वर्ष पछि हुन् लागेको हो ।

ओलम्पिक प्रतियोगिता आयोजना गरिएको प्रतियोगिता स्थलमा हाल आवत जावत खुल्ला गरि सकिएको छ । प्रतियोगिताको लागि बिदेशी तथा स्वदेशी पाहुना तथा खेलाडीहरु पुग्न थालेका छन् । उनीहरूलाई स्वागत गर्न थालिएको छ ।

आगामी जुलाई  २३ मा सुरु हुने ओलम्पिक प्रतियोगिता अगस्ट ८ का दिन समापन हुनेछ ।

प्रतिक्रिया