कविता : मन मुटु जल्ने

शारदा के. सि २०७८ असार २९ गते २२:४६ मा प्रकाशित

मन मुटु जल्ने वियोगी माया
भो अब लाउँदिन
भएन सम्बन्ध रहेन साइनो
भो सफर धाउँदिन ! !

राखेको थिएँ बाँधेर चोखो
मायाको नछुटिने पारि गाठो
प्यासि भइ भैतारिएला भनि
मुटुमै रोपी किल्लो ! !

थिएन होला गल्ती मेरो बिछोडै
हुनि त ! खोइ किन भयौ पर ?
जीवन्त हुन्छु साथमै भन्थ्यौ
बीचमै टुटायौ सफर! !

बुझेनौ तिमिले मायाको अर्थ
किन झूटो वाचा र कसम
बिछोडको छटपटि सहेर बाच्नु
यहि छ यहाँ जिउनुको मर्म ! !

मन मुटु जल्ने वियोगी माया
भो अब लाउदिन
भएन सम्बन्ध रहेन साइनो
भो सफर धाउँदिन ! !

खै सोच हो कि तिम्रो गलत
म भए गलत मिलेन मन
जीवन्त छुटन दिन्न भन्यौ साथ
बिच यात्रामै भाग्यौ किन ! !

खाएका थियौ बाचा र कसम
छोएर सन्तोषी माता
प्रेमको अर्थ बुझेको भए हुनि
थ्यो जोडि राम र सिता ! !

शारदा के. सि
काठमाडौं

प्रतिक्रिया