बिहीबार, भदौ २ २०७९
काठमाडौं १६:२१
वासिङटन डिसी 06:36

टेक्ससको ह्युसटनको एक चमेनागृहमा बन्दुकधारीले एक जोडीलाई अन्धाधुन्ध गोली चलाउदा पुरुषको मृत्यु

इनेप्लिज २०७८ असार २५ गते ११:१२ मा प्रकाशित

टेक्ससको ह्युसटनको एक चमेनागृहमा बन्दुकधारीले एक जोडीलाई अन्धाधुन्ध गोली चलाउदा पुरुषको मृत्यु भएको छ । प्रहरीका अनुसार ह्युसटनको एक चमेनागृहमा रात्री भोजन सकिन लागेको बेलामा एक व्यक्ति त्यहा आई गोली चलाएका थिए ।

ह्युसटनको मुख्य बजार स्थित उक्त चमेनागगृहमा गत जुलाई ८ का दिन राती उक्त घटना भएको हो । उक्त व्यक्ति कुनामा बसेका थिए भने पछि उठेर आएर गोली हानेका थिए ।

उक्त गोली लागेको कारण पुरुषको निधन भएको थियो भने महिला घाइते भएकी छिन । उक्त घटना हुने बित्तिकै प्रहरीलाई खबर गरिएको र प्रहरी पनि त्यहा तुरुन्तै आएका थिए ।

प्रहरीका अनुसार उक्त महिलालाई अस्पतालमा भर्ना गरिएको छ भने उनको स्थिति स्थिर रहेको बताईएको छ । गत राती करिव ८ बजे स्थानीय समय अनुसार घटेको ह्युसटन प्रहरी कार्यकारी प्रमुखले बताए ।

त्यस पछि उक्त बन्दुकधारीले स्वयम आफुलाई गोली हानेका थिए र गोली लागे पछि उनको पनि मृत्यु भएको समाचार सिएनएनले लेखेको छ ।

उक्त जोडी भएर आएका पुरुष र महिलाको हुन् भन्ने पत्ता लागि नसकेको प्रहरीले बताएका छन् । उक्त बन्दुकधारी र उनीहरु बीच के सम्बन्ध छ भन्ने केही थाहा नभई सकेको जनाईएको छ । सिएनएनले उनीहरुलाई कतै त्रीकोण प्रेम सम्बन्ध त हैन भनि प्रहरीलाई जिज्ञाशा राख्दा यो प्रारम्भिक चरणमा भएकोले केही भन्न नसकिने भनि सिएनएनलाई जवाफ दिएका थिए ।

प्रतिक्रिया