अमेरिकामा २ करोड ९० लाखले कोरोना जिते,३२ करोड २५ लाखलाई खोप

अमेरिकामा एकै दिनमा कोभिड-१९ बाट ११ हजार ५ सय ३४ जना संक्रमित भएका छन् । त्यस्तै गरि कोरोना भाइरसबाट २ सय ७२ जनाको मृत्यु भएको छ । गत मंगलबार जुन २९ का दिन २४ घण्टामा उक्त तथ्याँक न्यू योर्क टाइम्सले निकालेको हो ।

कोरोनाबाट संक्रमण हुनेको औसत दरमा विगत दुई हप्तामा १५ प्रतिशतले कमी आएको छ । अमेरिकामा हाल सम्म कूल ६ लाख ४ हजार ६९ जनाको निधन भएको छ भने दुई हप्तामा २३ प्रतिशतले मृत्यु दर घटेको छ ।

हाल अमेरिकामा १६ हजार ६ जना ८९ जना अस्पतालमा कोरोना संक्रमितहरू भर्ना भएका छन् भने भर्ना हुनेको संख्या १३ प्रतिशतले घटेको छ । गत जुन २९ का दिन अमेरिकामा ५ लाख ७७ हजार १ सय ९५ जनाले कोरोनाको जाँच गराएका छन् । अहिले बिहान बुधबार सम्म कोरोनाबाट संक्रमित हुनेको कूल संख्या ३ करोड ३६ लाख १८ हजार ५ सय ५ रहेको छ ।

अमेरिकामा हाल सम्म ३२ करोड ५१ लाख ५२ हजार ८ सय ४७ जनाले कम्तिमा एक खुराक खोप लगाएका छन् । अमेरिकामा पूर्ण खोप लगाउनेको संख्या ४६ प्रतिशत भएको छ भने एक खुराक खोप मात्र लगाउनेको संख्या ५४ प्रतिशत पुगेको छ । अमेरिकामा वयस्कहरूले कम्तीमा पनि एक खुराक खोप ६६ प्रतिशत र दुवै खोप अर्थात् पूर्ण खोप ५७ प्रतिशतले लगाई सकेका छन् ।

अमेरिकामा ६५ बर्ष भन्दा माथिका उमेरकालाई कम्तिमा एक खुराक खोप ८७.७ प्रतिशत र पूर्ण खोप ७७.७ प्रतिशत दिइएको सिडिसीले जनाएको छ ।

अमेरिकामा हाल सम्म २ करोड ९० लाख ७ हजार ३ सय ७३ जनाले कोरोना जितेका छन् ।

अमेरिकाको जनसंख्या ३३ करोड २४ लाख छ भने गत जुन २९ सम्म ३८ करोड १८ लाख ३१ हजार ८ सय ३० खोप आपूर्ति गरि सकेको छ ।