टेक्ससको एचडिएनपी अन्तरराष्ट्रियले कोष वृद्धि समारोहको आयोजना गर्ने

डिसी महानगर क्षेत्र । एचडिएनपी अन्तरराष्ट्रियले टेक्सासमा कोष वृद्धि समारोहको आयोजना गर्ने भएको छ ।

बिगत बर्षमा गरे झैँ यस पटक पनि फन्डराइजर गाला २०२१ नाम दिई समारोह गर्ने भएको एचडिएनपी अन्तरराष्ट्रियका संस्थापक देवी डेविड आचार्यले इनेप्लिजलाई बताए ।

उक्त समारोहमा २०२१ गाला टिम अर्थात् समारोह समूह २०२१ पनि बनाईएको छ । उक्त कार्यक्रममा बिशेष व्यक्तित्वहरुको सत्र ,रात्रिभोज र नगद मधुशालाको व्यवस्था ,नृत्य र सङ्गीत, लिलाम तथा आजीवनकाल (लाइफटाइम) प्राप्ती पुरस्कार समेत वितरण हुने छन् । समारोह साढे तीन महिना पछि अर्थात् अक्टोबर ९ का दिन टेक्सासको समय ६ बजे सुरु हुनेछ । समारोह रोलिङ्ग हिल्स कन्ट्री क्लब ,आर्लिंगटनमा हुने भएको छ ।

हेल्प फर डेस्पेरेट एण्ड निड़ी पिपुल इन्टरनेसनल (नाजुक तथा असहायको लागि सहयोग अन्तर्राष्ट्रिय )भन्ने संस्थाले स्थापना काल देखि अमेरिकाको टेक्सासको आर्लिंगटन ड्यालस क्षेत्र वरपर प्रशस्त घरबार बिहिन र मागेर जीविका चलाउने दुखीहरूलाई त्रैमासिक रूपमा खाना खुवाउँदै आई रहेको छ ।

र ,त्रैमासिक रूपमा रक्तदान पनि निरन्तर गरि रहेको छ ।

हेल्प फर डेस्पेरेट एण्ड निड़ी पिपुल अन्तर्राष्ट्रिय (एचडीएनपी इन्टरनेसनल ) सन् २०१२ मा अमेरिकी सरकारको गैर मुनाफा सामाजिक संस्थामा दर्ता भएको संस्था हो ।

https://www.hdnpinternational.org/make-the-homeless-independent-fundraiser-gala-2021.html?fbclid=IwAR10tfFZjNjrPIG7yk__fWA3FraaMGGWr6TDWkDNR-Uih-RIj2XikHWJuyU