अमेरिकामा १४ दिनमा संक्रमण हुने दर २१ प्रतिशत र मृत्यु हुने दर २० प्रतिशत न्यून

अमेरिकामा एकै दिनमा कोभिड-१९ बाट १२ हजार ८ सय १९ जना संक्रमित भएका छन् । यसै गरी कोरोना भाइरसबाट ३ सय ३२ जनाको मृत्यु भएको छ ।

गत बुधबार जुन १६ का दिन २४ घण्टामा उक्त तथ्याँक न्यू योर्क टाइम्सले निकालेको हो ।

कोरोनाबाट संक्रमण हुनेको औसत दरमा विगत दुई हप्तामा २१ प्रतिशतले कमी आएको छ । अमेरिकामा हाल सम्म कूल ६ लाख २ सय ४४ जनाको निधन भएको छ भने दुई हप्तामा २० प्रतिशतले मृत्यु दर घटेको छ ।

हाल अमेरिकामा १८ हजार ८ सय ७३ जना अस्पतालमा कोरोना संक्रमितहरू भर्ना भएका छन् भने भर्ना हुनेको संख्या २१ प्रतिशतले घटेको छ । गत जुन १६ का दिन अमेरिकामा ७ लाख १८ हजार ७ सय ७६ जनाले कोरोनाको जाँच गराएका छन् ।

अहिले बिहान बिहिबार जुन १७ का दिन सम्म कोरोनाबाट संक्रमित हुनेको कूल संख्या ३ करोड ३४ लाख ६५ हजार ५ सय ७० रहेको छ । अमेरिकामा हाल सम्म ३१ करोड २९ लाख १५ हजार १ सय ७० जनाले कम्तिमा एक खुराक खोप लगाएका छन् ।

अमेरिकामा पूर्ण खोप लगाउनेको संख्या ४४ प्रतिशत भएको छ भने एक खुराक खोप मात्र लगाउनेको संख्या ५३ प्रतिशत पुगेको छ । अमेरिकामा वयस्कहरूले कम्तीमा पनि एक खुराक खोप ६५ प्रतिशत र दुवै खोप अर्थात् पूर्ण खोप ५५ प्रतिशतले लगाई सकेका छन् ।

अमेरिकामा ६५ बर्ष भन्दा माथिका उमेरकालाई कम्तिमा एक खुराक खोप ८७ प्रतिशत र पूर्ण खोप ७७ प्रतिशत दिइएको सिडिसीले जनाएको छ । अमेरिकामा हाल सम्म २ करोड ८६ लाख १६ हजार ४ सय ९५ जनाले कोरोना जितेका छन् ।