UNCDF र UNESCAP सँग सहकार्य गरि खल्ती डिजिटल वालेटले महिलाद्वारा संचालित घरेलु,सानो तथा मध्यम:MSMEs उद्यमीहरुलाई विभिन्न प्रशिक्षण मार्फत सशक्त र डिजिटाइज गर्दै आइरहेको छ।यस कार्यक्रमले महिला उद्यमीहरुलाई आर्थिक रूपमा अझ बढी स्वतन्त्र बनाउने उद्देश्य लिएको छ।

“महिलाले नेतृत्व गरेको व्यवसायहरुलाई सशक्त र डिजिटाइज गर्न सानो योगदान पुर्याउन पाउनु हाम्रो (खल्ती) लागि ठूलो सम्मानको कुरा हो।हामीलाई विश्वास छ कि हाम्रो प्रशिक्षणले वहाँहरुको व्यवसायलाई प्रभावकारी रूपमा वृद्धि गर्न थप मद्दत मिलेको छ”खल्ती डिजिटल वालेटका परियोजना संयोजक,श्री प्रभात कुमार झाले भन्नुभयो।“हामीले वहाँहरुको सेवा र उत्पादनहरूको निःशुल्क डिजिटल मार्केटिंग प्रदान गर्न र बिक्री बढाउनका लागि हाइपरलोकल मार्केट अर्थात् खल्ती बजारमा पनि:MSMEs उद्यमीहरुलाई ल्याएका छौं” झा ले जोड्नुभयो।

“खल्ती,युएनसीडीएफ र युएनईएससीएपी सँग काम गर्ने अवसर पाउँदा व्यक्तिगत र व्यावसायिक दुवै रूपमा म र हाम्रो सदस्यहरुलाई धेरै नै खुशी लागेको छ।हामी,सबाह नेपाल र सबाह नेपाल द्वारा संचालित–“द भिलेज क्याफे” मा सम्बन्धित उद्यमीहरुलाई यस प्रशिक्षणले दिगो विकास सम्बन्धि व्यवहारिक ज्ञान दिएको छ।” कार्यक्रममा सहभागी महिला उद्यमी,श्री स्निग्धता श्रेष्ठले बताउनुभयो।

यस कार्यक्रमलाई थप प्रोत्साहित गर्नका लागि खल्तीले विभिन्न बैंकहरुसँग सहकार्य गरि सहभागी महिलाहरुलाई निःशुल्क बैंक खाता बनाउन सहयोग गर्दै आइरहेको छ।यस कार्यक्रमले महिला व्यवसायीहरुलाई हरेक व्यापारिक कारोबार सजिलै डिजिटल माध्यम बाट गर्न प्रशिक्षण तथा तालिम प्रदान गरेको छ।

खल्ती डिजिटल वालेटले महिलाद्वारा संचालित व्यवसायीहरुलाई कसरी डिजिटाइज गर्ने विषयमा प्रशिक्षण संचालन गरिरहेको छ।इच्छुक व्यवसायीहरुले यो फारम भरि उक्त कार्यक्रममा सहभागि हुन सक्नेछन।यसको साथै खल्तीले प्रत्येक सहभागीलाइ आफ्नो टप–अपमा ४% क्यासब्याक प्रदान गरेको छ।यसबाहेक,खल्तीले झन्झटरहित भुक्तानीको लागि निःशुल्क खल्ती क्यूआरहरू र महिला उद्यमीहरुको व्यवसाय प्रवर्द्धन गर्न निःशुल्क ५०० एसएमएस पनि उपलब्ध गराईरहेको छ।

खल्ती डिजिटल वालेट

थप जानकारीको लागि+९७७–९८४८०४८४९८ मा प्रभात कुमार झा लाई सम्पर्क गर्नुहोला वा [email protected] मा ईमेल गर्नसक्नु हुनेछ।