बिहीबार, वैशाख २३ २०७८
काठमाडौं २३:५३
वासिङटन डिसी 14:08

न्याकले अन्तर्राष्ट्रिय बाल दिवसको सन्दर्भमा शनिवार बक्तृत्व कला प्रतिष्पर्धा गर्दै

इनेप्लिज २०७८ वैशाख १६ गते १:२५ मा प्रकाशित

वाशिंगटन डिसी। नेपाली अमेरिकन सामुदायिक केन्द्र (न्याक)ले जुन १३ को अन्तर्राष्ट्रिय बाल दिवसको सन्दर्भ पारेर डायस्पोराका साना बालबालिकाहरुका विशेष कार्यक्रम श्रृंखलाहरु आयोजना गरिरहेको छ। यसै सन्दर्भमा न्याक जुनियर टीमले यही मे १ तारिक शनिवार कक्षा ६ देखि ८ सम्म पढ्ने बच्चाहरुका वीचमा बक्तृत्व कलाको प्रतिष्पर्धा आयोजना गरेको छ ।

न्याक जुनियर कमिटीकी संयोजक एवं न्याक कार्य समिति सदस्य विना खड्का लामाका अनुसार आगामी जुन १२ तारिक धुमधामका साथ बाल दिवस मनाइने छ । यस अघि मार्च १३ शनिबारका दिन पहिलो चरणमा जुमबाट बालबालिकाहरूको आर्ट प्रतियोगिता गरिएको थियो । सो आर्ट प्रतिस्पर्धामा डिसी क्षेत्रका धेरै बालबालिकाहरुले भाग लिएका थिए । यसै गरी न्याक जुनियरले ३ कक्षा देखि ५ कक्षासम्मका बच्चाहरुको बक्तृत्व कला (speech competition) अप्रिल ३ तारिख नै सम्पन्न गरिसकेको छ ।

अव जुन १२ मा ग्राफिक डिजाइन (graphic design competition) प्रतिष्पर्धाको साथमा बाल दिवसको मुख्य कार्यक्रम समाप्त हुनेछ । मे १ मा हुने डिबेड प्रतियोगिताको कार्यक्रमलाई इनेप्लिज, न्याक अफिसियल फेसबुक पेज लगायतका माध्यमबाट प्रत्यक्ष प्रसारण गरिने भएको छ।

जुममा वा प्रत्यक्ष प्रसारणमा सहभागी भै अवलोकन गर्नु हुन न्याकको तर्फबाट अनुरोध गरिएको छ ।

सम्पर्क: विना खड्का लामा (703) 901-6508
कृष्ण पराजुली: (703) 459-4006

प्रतिक्रिया