न्युयोर्कमा एसियाली अमेरिकी बृद्ध महिलालाई आक्रमण गर्दा ढोका थुन्ने दुई सुरक्षाकर्मी निस्कासित

न्युयोर्कमा एसियाली अमेरिकी बृद्ध महिलालाई क्रुर आक्रमण गर्दा सहयोग नगरी ढोका थुन्ने दुई सुरक्षाकर्मी निस्काशित भएका छन् । गत सोमबार मार्च २९ का दिन न्यु योर्क शहरको टाइम्स स्क्वायर नजिकै उक्त महिलालाई लात हिर्काउँदै र कुल्चिएको श्रब्य दृश्यमा देखिए पछि संदिग्धलाई गिरफ्तार गरि सकिएको छ ।

ब्रोडस्की संगठनबाट संचालित उक्त भवनमा काम गर्ने सुरक्षा कर्मचारीलाई हटाईएको एक बिज्ञप्ति मार्फत गत मंगलबार जानकारी गराएका छन् । उक्त घटना मार्च २९ का दिन भएको थियो ।

समयमा सडक छेउकै एक भवनमा खटिएका भवन भित्र सुरक्षा दिन बसेका ति सुरक्षाकर्मीले कुनै पहल नगरेको कारण दुवैको जागिरबाट हात धुनु परेको छ । महिलालाई आक्रमण गर्ने व्यक्ति न्यु योर्क शहरका ३८ वर्षीय ब्रान्डन इलियट हुन् । उनलाई घृणाको अपराधको रूपमा आक्रमण गर्ने, हमला गर्ने र आक्रमण गर्ने प्रयास गरेको आरोप लगाईएको छ ।

उनले ६५ वर्षीया महिलालाई टाइम्स स्क्वायरबाट केही पर भवन समुहको मध्य शहर म्यानहट्टनमा हिंड्दै गर्दा उक्त व्यक्ति आएर पेटमा लात्ती हानेका र भुईमा ढले पछि फेरी कुल्चिएका थिए । प्रहरीका अनुसार महिलाको अनुहारमा पटक पटक लात्ती हिर्काएका थिए । गम्भीर घाइते भएकी महिलालाई गत मंगलबार अस्पतालबाट घर पठाइएको अस्पतालका प्रवक्ताले जानकारी दिएका थिए ।

श्रोत : सिएनएन