एउटा पत्रकारको पीडा-क्यान्सर नं २

गोफण्ड लिंक सहित

तपाइको एउटा मात्रै चाहना के छ भनेर कसैले सोध्यो भने तत्कालै उत्तर दिन कठिन हुन्छ । उत्तरका लागि एकैछिन सोच्नुपर्छ । यही प्रश्न पत्रकार कमल पौडेललाई सोध्यो भने, उनको उत्तर तत्कालै आउंछ, उनी भन्छन् म अहिले वांच्न चाहन्छु ।

मानिसहरु क्यान्सर रोगको नाम सुन्नासाथ डराउंछन् । तर पत्रकार पौडेलले क्यान्सर जस्तो प्राणघातक रोगसंग दुइपटक संघर्ष गर्नुपर्यो । व्लड क्यान्सरवाट पीडित पत्रकार पौडेलले अघिल्लो वर्षको ६ महिना सिभिल अस्पतालमा विताए । जीवनभर कमाएको जति सकियो, संसारभरवाट साथीभाइले उपचारका लागि सहयोग जुटाए । पत्रकार पौडेलले क्यान्सरलाई पराजित गरे । निको भएर अलिअलि तंग्रिएपछि घरमा पर्खिरहेकी वुढीआमालाई भेट्न विराटनगर पुगे, जहां ६ महिनादेखि दुधेवालक छोरी वावाको प्रतिक्षामा थिइन । अस्पतालमा आफुलाई रुंघ्न वसेका जेठा छोराको पढाइ छुटेको थियो । पत्नी पनि अस्पतालमा नै रुंघ्न वसेकी थिइन । घर अस्तव्यस्त भइसकेको थियो ।

उनी निको भएर फर्किएपछि घरमा फेरी खुसी फर्कियो । समाचार प्रमुखको रुपमा उनी कार्यरत मकालु टेलिभिजन र उनले पढाउने कलेजहरुमा एकप्रकारको सेलिव्रेसन नै भयो । ६ महिना वुवालाई अस्पतालमा रुंघेर वसेको ठुलो छोरा अभिन्न फेरी कलेज जान तयारी गर्न थाले । तर केही समयमा पत्रकार पौडेललाई कोरोना संक्रमण भयो । निमोनियाले निकै गलाए पनि उनले कोरोनालाई जिते । कोरोनालाई जितेको केही समय वितेपछि फेरी विसन्चोको मात्रा वढ्यो। जचाउन फेरी काठमाडौं आए । सिभिल अस्पतालले भन्यो, जति मानिसलाई अघिल्लो वर्ष क्यान्सर निको भएको थियो, कोरोना संक्रमण हुनेहरुमा क्यान्सर दोहोरिएको पाइएको छ ।

पत्रकार पौडेल यतिवेला दोश्रो पटक आएको क्यान्सरको उपचार गराइरहेका छन् । पत्रकार पौडेलले यसपटक किमो लिने आंट गरेनन् । उनलाई किमो थाम्न सकुला भन्ने नै लागेन । डा. विशेष पौडेलले खाने र इन्जेक्सनवाट दिने औषधिमार्फत शरिरमा फैलिएको क्यान्सरलाई घटाउन सफल भए , अव वोनम्यारो ट्रान्सप्लान्ट गर्नुछ । वोनम्यारो ट्रान्सप्लान्टका लागि उनलाई आर्थिक अभाव भएको छ र सहयोगको अपेक्षा गरेका छन् । पत्रकार पौडेललाई फेरी निको भएर गएर आमाको अनुहारमा खुसी ल्याउनु छ, सानी छोरीलाई हुर्काउनु छ, छोराहरुलाई फेरी कलेज फर्काउनु छ । मकालु टेलिभिजनको पर्दामा आएर क्यान्सरलाई पराजित गर्न सकिन्छ भनेर सन्देश दिनुछ ।

मैले पहिलोे क्यान्सरलाई जिते, कोरोना संक्रमणलाई पनि जिते, अव तपाइहरुको सहयोग पाए भने क्यान्सर नं २ लाई पनि जित्नेछु, पत्रकार पौडेलले भने, म वांच्न चाहन्छु, मेरो जीवन वचाउन तपाइहरुको अमुल्य सहयोग आवश्यक छ ।

पत्रकार पौडेललाई सहयोग गर्न यो लिंकमा क्लिक गर्नुहोला ।

https://www.gofundme.com/f/please-help-to-save-life-of-journo-kamal-paudel?utm_source=customer&utm_medium=copy_link&utm_campaign=p_cf+share-flow-1