मनाससको बिशाल बजारमा भएको गोलीकाण्डमा बाल्टिमोरका मानिसको मृत्यु ,अर्का व्यक्ति अस्पतालमा भर्ना

भर्जिनिया राज्यको मनाससको बिशाल बजारमा भएको गोलीकाण्डमा बाल्टिमोरका एक मानिसको मृत्यु भएको छ । गत शुक्रबार राती दोहोरो गोलि चलेको प्रिन्स विलियम काउन्टी प्रहरीले जनाएका छन ।

उक्त गोलीबारी हुँदा बाल्टिमोरका ३४ बर्षिय व्यक्तिको निधन र २२ बर्षिय मानिसलाई अस्पताल भर्ना गरिएको छ । मनाससको सडली ड्राइभ(मार्ग)स्थित मनासस मल (बिशाल बजार)मा राती ११ :१६ मिनेटमा गोली चलेको खबर प्रहरीले पाए पछि त्यहा पुगेका थिए ।

गत अप्रिल २ का दिन प्रहरीहरु त्यहा पुग्दा दुई जना मानिसहरु घाइते अवस्थामा पाइएका थिए । प्रहरीहरुले स्वयम स्वास्थ्यकर्मीहरु नआउन्जेल सम्म प्राथमिक उपचार गरेका थिए ।

प्रिन्स विलियम काउन्टी प्रहरीका अनुसार बाल्टिमोरका ३४ बर्षिय जहमर लाट्राभर्न ग्रेभ्स को चोटपटकको कारण निधन भएको जनाएका छन । त्यस्तै गरि २२ बर्षिय व्यक्तिको पनि पहिचान भएको छ भने उनको स्वास्थ्य सुधार भै रहेको प्रहरीले जनाएका छन् ।

उक्त घटना उनीहरुले रोकेको सवारी साधन अडान क्षेत्रमा भएको थियो जहाँ दुई जनालाई गोली हानिएको थियो । प्रिन्स विलियम काउन्टी विभागका मानव हत्या बिभागले यसको अनुसन्धान गरि रहेको छ । के कारणले उक्त घटना भएको हो भन्ने बारेमा सूचना दिन समेत आग्रह गरिएको छ ।

श्रोत : प्रिन्सविलियम टाइम्स डटकम