नेपाल आइडल सिजन–२ का विजेता रविलाई उनको निकटतम व्यक्तिले धोका दिएका थिए।यही पिडामा उनले एउटा गीत लेखे लेखेर दशरथ सुनारलाई सुनाए। रविले गीतमा आफ्नो भोगाइका कारण सिर्जित मनको बह पोखेका थिए।

दशरथले हेरेर ‘ओहो!हो‚यो त मेरो भोगाइ हो’ भने । गीत बनाउने निधो भयो।अभिनयका लागि प्रिन्स विश्वकर्मालाई रोजियो।उनलाई पनि गीतको शब्द आफ्नै मनको झैँ लाग्यो।यसरी तयार भयो गीत ‘टुटिसक्यो मुटु’।

गीतमा रविको शब्द र स्वर रहेको छ।भीम बिसीको सङ्गीत रहेको गीतमा गोपाल रसाइलीको सङ्गीत संयोजन रहेको छ।

भिडियोमा प्रिन्सको साथमा अञ्जना बराइली फिचर्ड छिन्।दशरथ निर्देशित भिडियोमा शर्मिला सुनुवारको शृङ्गार,रामकुमार केसीको छायाङ्कन र टेकेन्द्र शाहको सम्पादन रहेको छ।

रविको जन्मदिनको अवसर पारेर उनको पहिलो एल्बम ‘द लस्ट’ समेत सार्वजनिक गरियो।राजेश हमालको प्रमुख आतिथ्यतामा उक्त एल्बम सार्वजनिक गरिएको थियो।दश गीत समेटिएको एल्बममा धेरै स्रष्टाको शब्द तथा सङ्गीत समेटिएको छ।पहिलो भिडियो सार्वजनिक भएको एल्बमका अन्य गीतहरू एकपछि अर्को गर्दै भिडियोको रूपमा ल्याउने रविको तयारी रहेको छ।