आइतबार, चैत २९ २०७७
काठमाडौं २०:५७
वासिङटन डिसी 11:12

लेडी गागाका हिंसात्मक अपहरणमा परेका दुई कुकुर सकुसल र सुरक्षित रुपमा प्राप्त

इनेप्लिज २०७७ फागुन १५ गते १३:४२ मा प्रकाशित

अमेरिकन गायिका तथा गीतकार लेडी गागाका हिंसात्मक अपहरणमा परेका फ्रेन्च बुलडग नामक कुकुरहरु सकुसल र सुरक्षित रुपमा पाइएका छन् । उनका दुई कुकुरलाई घुमाउने एक कर्मचारीलाई छातीमा ४ पटक गोली हानी अज्ञात व्यक्तिहरुले अपहरण गरेका थिए ।

गत बुधबार फेब्रुअरी २४ का दिन उक्त घटना भएको लस एन्जेलस प्रहरीले जानकारी दिएका थिए । गागाले उनका चोरी भएका कुकुरहरु फेला पार्नेलाई ५ लाख डलरको इनाम दिने घोषणा गरेकी थिइन् । । रायन फिसर नामक उनका कामदार पश्चिम हलिवुड घर नजिक गागाको कोजी ,मिस एसिया र गुस्ताभो नामक कुकुरहरुसंग राती १० बजे हिडीरहेका बेलामा आक्रमण भएको थियो ।

जबर्जस्ति लुटेर लगिएका कुकुरहरु सकुसल र सुरक्षित रुपमा पाइएको जानकारी लस एन्जेलस प्रहरी विभागले जनाएको छ । कुकुरहरु लस एन्जेलस प्रहरी विभागको ओलम्पिक स्टेसन(चौकी)फिर्ता गरिएको थियो । तर अपहरण चै हलिवुड बिभाग नजिक भएको थियो । एबिसी न्युजका अनुसार उक्त कुकुरहरु एक महिलाले पाएकी थिइन् भने उक्त महिला यस्मा संलग्न नभएको एबिसी न्युजले जनाएको छ ।

कुकुरहरुलाई कुनै क्षति पुर्‍याइएको थिएन भने गागाका प्रतिनिधिहरुलाई कुकुर पुनर्मिलन गराईएको थियो । अपराधीहरूलाई अझ पनि पक्रिएको छैन भने प्रहरीहरुले खोजी जारी राखेका छन् ।

उक्त घटनामा सडकमा राखिएका चित्रग्राहिणी(क्यामरा)मा गागाका कर्मचारी रायन माथि गोली चलाउदा भुईमा ढलेता पनि उनले एउटा कुकुर समाती रहेका थिए । उक्त कुकुर मिस एसिया नाम भएको खुल्न आएको थियो । उनलाई तुरुन्तै अस्पताल भर्ना गरिएको थियो भने कोजी र गुस्ताभो कुकुरहरु चोरी भएका थिए ।

“तपाईंलाई थाहा छ, हाम्रो प्रिय रायन लस एन्जलसमा गत बुधवार साँझ एक भयानक, हिंस्रक अपराधको शिकार भएका थिए,” फिशर परिवारले शुक्रवार एक विज्ञप्तिमा भने। “धन्यबाद, रायनले अहिले अस्पतालमा राम्रो उपचार र हेरचाह पाइरहेका छन र उसका चिकित्सकहरूले उनि पूर्ण स्वस्थता हुने आशा गरेका छन् ।”

“अवश्य पनि हामी लेडी गागालाई पनि धन्यवाद दिन चाहन्छौं जसले रायन र हाम्रो परिवारको लागि शुरूदेखि नै निरन्तर प्रेम र चासो देखाईन ,” भनि बिज्ञप्तिमा उल्लेख गरेका छन् ।

श्रोत :एबिसी न्यूज

प्रतिक्रिया