यदाकदा झझल्को आउंदा,
त्यो झरेको पातमा कोही हिडे जस्तो लाग्छ,
बढे जस्तो लाग्छ, मै तिर,
पदचापले चूपचाप कौतुहल जन्माउंछ,
सपना त होईन होला,
भ्रम पनि नहोला,
उन्को म सित समाहित हुने चाहाना उता,
यता मेरो व्याकुलता,
ति पाईला यतै वढेको आभाष हुन्छ
यदाकदा,

चीसो वतासको उत्ताउलो वेगमा ,
झुलिरहेका ति रूखहरू,
हिऊंमा झकमक्क गहना लगाएर
नाचेको पो देख्छु म ,

यो मौषममा तातो स्वाँसको चाहानाले,
म मा समाहित हुन खोजेको त्यो को होला,?

यो भ्रम हो भने पनि ठीकै छ,
म त्यसै त्यसै खुशी हुन्छु,
यदाकदा !!

राजमित्र प्रांगण,
माल्डेन,बोस्टन,
अमेरीका