शनिबार, फागुन १५ २०७७
काठमाडौं १३:१७
वासिङटन डिसी 02:32

अमेरिकामा एकैदिनमा कोरोनाबाट ३७३४ को मृत्यु ,१ लाख ९१ हजार संक्रमित

३७ राज्यहरुमा नयाँ संक्रमितको संख्या घटेको र अस्पताल भर्नामा कमि

इनेप्लिज २०७७ माघ १० गते ११:२४ मा प्रकाशित

अमेरिकामा एकैदिनमा कोरोना भाइरसबाट संक्रमित हुनेको संख्या १ लाख ९१ हजार ९ सय १२ पुगेको छ । यसै गरि मृत्यु हुनेको संख्या ३ हजार ७ सय ३४ पुगेको छ । उक्त आँकडा गत शुक्रबार जनवरी २२ को दिन न्यूयोर्क टाइम्सले आफ्नो आँकडा आधारबाट निकालेको हो ।

गत हप्तामा औसतमा हरेक दिन १ लाख ८१ हजार १ सय ५ संक्रमितको संख्या रहेको थियो भने बिगत दुई हप्ताको तुलनामा ३० प्रतिसतले संक्रमितको संख्या घटेको हो ।

गत बुधबार र बिहिबार दुवै दिन अमेरिकामा ४ हजार भन्दा ज्यादा संक्रमितहरुको निधन भएको थियो भने उक्त संख्या अहिले सम्म कै उच्च हो । अमेरिकाका ३७ राज्यहरुमा नयाँ संक्रमितको संख्या घटेको र अस्पताल भर्नामा कमि आएको छ । तर नयाँ परिवर्तनशील कोरोनाले बढ्ने जोखिम रहेको छ ।

भर्जिनिया मात्र यस्तो राज्य हो जहाँ संक्रमितको संख्या शेसापिक र लिन्चबर्गमा वृद्धि भएको छ ।

हाल सम्म अमेरिकामा ३ करोड ९८ लाख ९२ हजार ४ सय खोप वितरण भै सकेको छ भने कम्तिमा १ करोड लाख ९१ लाख ७ हजार ९ सय ५९ जनाले खोप लगाई सकेको जानकारी सिडीसीले दिएको छ ।

बिगत केही दिनमा संक्रमणको संख्या घटेता पनि कोभिड-१९ को नया परिवर्तनशिल(न्यु भेरिएन्ट)को वृद्धि हुने आशंका गरिएको छ । अमेरिकाको भर्जिनिया राज्यमा अत्यधिक रुपमा संक्रमण वृद्धि भएको छ ।

अमेरिकामा हाल सम्म २ करोड ५२ लाख ४६ हजार ८ सय ५१ जना संक्रमित भएका छन भने ४ लाख २० हजार ५ सय ७९ जनाको मृत्यु भै सकेको छ ।

हाल सम्म अमेरिकामा ८९ लाख २५ हजार २ सय २० जना निको भै सकेका छन् ।

श्रोत :न्युयोर्क टाइम्स /अन्य

प्रतिक्रिया