शनिबार, फागुन १५ २०७७
काठमाडौं १२:१०
वासिङटन डिसी 01:25

अमेरिकी इतिहासमा अस्टिन बने प्रथम अस्वेत रक्षा सचिव तथा पेन्टागनका प्रमुख

इनेप्लिज २०७७ माघ १० गते १:५९ मा प्रकाशित

४६ औ राष्ट्रपति जो बाइडेनको मन्त्रिमण्डलमा उनले मनोनयन गरेका अवकाश प्राप्त सेनाका चार तारे जनरल लोयड जे अस्टिनलाई रक्षा सचिवमा सिनेटले अनुमोदन गरेको छ ।

अस्टिन यसरी पेन्टागनको प्रमुखको साथै प्रथम अस्वेत रक्षा सचिवमा मनोनित भै इतिहास बनाएका छन । उनलाई सिनेटले जनवरी २२ शुक्रबार रक्षा सचिवको रूपमा स्वीकृत गरेको छ ।

सिनेटमा मतदान हुँदा ९३ -२ मत प्राप्त गरि उनले आफ्नो पद निश्चित गरेका हुन् ।

“यो एक असाधारण, ऐतिहासिक क्षण हो,” रोड आइल्याण्डका डेमोक्र्याट र सशस्त्र सेवा समितिका अध्यक्ष सिनेटर ज्याक रीडले भने। “आज हाम्रो सशस्त्र बलको एउटा महत्वपूर्ण हिस्सा अफ्रिकन अमेरिकन वा ल्याटिनो हो र अब उनीहरू आफैंलाई रक्षा विभागको शीर्षमा देख्न सक्छन् जसले अवसरको वास्तविक धारणा बनाउँछ।”

६७ बर्षिय अस्टिन इराक, अफगानिस्तान, यमन र सिरियाको उत्तरदायित्व सहित अमेरिकी सेन्ट्रल कमाण्ड, सेनाको मार्कीयुद्ध निरीक्षणको नेतृत्व गर्ने एकमात्र अफ्रिकन अमेरिकन  हुन्। उनी २०१६ मा सैन्य सेवामा ४१ बर्ष पछि सेवानिवृत भएका थिए । अमरिकी सेनामा उनि ज्यादै सम्मानित हुन् ।

श्रोत :सिएनएन

प्रतिक्रिया