मेरिल्याण्डमा एक सशस्त्रधारी व्यक्ति प्रहरीको भिडन्तमा मारिए

अमेरिकाको मेरिल्याण्ड राज्यमा बन्दुक साथमा लिएका एक सशस्त्रधारी व्यक्ति प्रहरीको भिडन्तमा मारिएका छन् । उक्त संदिग्ध र हतियार बोकेका व्यक्तिलाई साधा पोशाक लगाएका प्रहरीले मेरिल्याण्ड राज्यको गेथर्सबर्गमा गोली हानेका हुन् ।

उक्त व्यक्ति गत शुक्रबार बन्दुक प्रदर्शन गरे पछि कारवाहीमा मारिएका हुन् । गेथर्सबर्ग प्रहरी प्रमुख मार्क स्रोकाका अनुसार ६ बजे साँझ हुनु अगाडी दक्षिण फ्रेडेरिक एभेन्युको चेल्सी पार्क आवासगृह नजिक उक्त घटना भएको थियो ।

दुई प्रहरी अधिकारीहरु साधा पोशाकमा गएका थिए भने उनीहरुले उक्त संदिग्धसंग बन्दुक भएको देखेका थिए । उनीहरु त्यहा पुगे पछि उक्त व्यक्ति भागेका थिए ।

उक्त व्यक्ति भागेका र उनलाई प्रहरीहरुले पछ्याउनु परेको थियो । पछि घासे मैदानमा पछ्याउदा उनले बन्दुक देखाएका थिए । त्यसपछि प्रहरीले गोली चलाएका थिए । उनलाई धेरै पटक गोली चलाइएको थियो भने उनको त्यहाँ मृत्यु भएको थियो ।

कारवाहीमा कुनै पनि प्रहरी अधिकारीहरु घाइते नभएको प्रहरी प्रमुखले बताए । प्रहरीका अनुसार उक्त संदिग्ध व्यक्तिको पूरा बिस्तृत जानकारी नभएको र उक्त व्यक्तिसंग बन्दुक भएको कसरी प्रहरीले जाने भन्ने बारेमा पूरा जानकारी भने आई सकेको छैन भनि डब्लुटिओपीले समाचार प्रकाशित गरेको छ ।

यस घटनाको अनुसन्धान भै रहेको जनाइएको छ ।

श्रोत :डब्लुटिओपी ,तस्बिर :फक्सन्युज५