बुधबार, माघ ७ २०७७
काठमाडौं ११:५०
वासिङटन डिसी 01:05

राष्ट्रपति ट्रम्पले एफबीआईसंग झूट बोलेको आरोपित व्यक्ति फ़्लेनलाई किन आम माफी दिए ?

इनेप्लिज २०७७ मंसिर ११ गते २:१८ मा प्रकाशित

 


अमेरिकी राष्ट्रपति डोनाल्ड ट्रम्पले एफबीआईसंग झूट बोलेको कारण पक्राउ परेका पूर्व राष्ट्रिय सुरक्षा सल्लाहकार माइकल फ़्लेनलाई माफी दिएका छन । ट्रम्पको व्हाइट हाउसमा बसाई करिव ६० दिनको रहेको छ । ट्रम्पले जो बाइडेनलाई सत्ता हस्तान्तरण प्रकृया सुरु गरि सकेका छन् भने आम माफी भनेको लगभग आफू बाहिरिनु संकेत हो ।अझ सम्म पनि चुनावमा हार स्वीकार गरेका छैनन ।

ट्रम्पले सामाजिक संजाल ट्वीट गर्दै उनलाई आम माफी दिएका हुन् ।  उनि केही हप्तामात्र सल्लाहकारमा काम गर्ने मौका पाएका थिए । सन् २०१६ को चुनावमा रूसी हस्तक्षेप सम्बन्धमा विशेष सल्लाहकार रोबर्ट म्यूलरले गरेको छानबिनका दौरान फ़्लेनले एफबीआईलाई गलत बयान दिएको कारण दोषी ठहरिएका थिए ।

ट्रम्पले फ़्लेनलाई आममाफी दिने कुरा व्हाइट हाउसमा चलेको र संचार माध्यमले अनुमान गरेका थिए । “जनरल माइकल टी फ़्लेनलाई पूर्ण माफी प्रदान गरिएको छ भनेर घोषणा गर्नु मेरो ठूलो सम्मान हो,” ट्रम्पले ट्वीटमा लेखे ।

ट्रम्पले उनलाई बधाईको साथै उनको अद्भुत परिवारलाई बधाई छ, मलाई थाहा छ अब तिमी साँच्चिकै राम्रो धन्यवाद दिवस हुने छ भनि लेखेका छन् ।

उनले २०१७ को अन्तमा पूर्व रुसी राजदूत सेर्गेइ किसल्याकसँगको सम्पर्कको बारेमा एफबीआईलाई झूट बोलेको कारण दोषी प्रमाणित भएका थिए । यस वर्षको शुरुमा आफ्नो याचिका फिर्ता लिने प्रयास गरे र उनलाई अनुसन्धान गर्ने एजेन्टहरू बिरूद्ध दुराचार गरेको आरोप लगाए।

ह्वाइट हाउसका प्रेस सचिव केली म्याक्नीले फलेनलाई एक विज्ञप्तिमा तीन पटक “निर्दोष मानिस” भनेर सम्बोधन गर्दै उनीमाथि मुद्दा चलाउनु हुँदैन भनिन ।

तर उनले फ़्लेनलाई दुई पटक अभियोग लागेको र डिसेम्बर १ को बयान भने उल्लेख गरिनन । फ़्लेनले अपराध स्वीकार्दै “ईश्वरमाथिको विश्वासको कारणले, मैले सबै कुरा ठीक गर्ने काम गरिरहेको छु” र उनले “मेरो कार्यहरूका लागि पूर्ण जिम्मेवारी स्वीकार गरिरहेको छु” भनेका थिए ।

जुनसुकै राष्ट्रपतिले पनि राष्ट्रपतिपदमा रहँदा आफू र आफ्ना परिवारलाई आम माफी दिन सक्ने कानुनी अधिकार दिइएको छ । पहिलेका राष्ट्रपतिले पनि अन्तिम दिन सम्म यो अधिकार प्रयोग गरिसकेका छन् ।

बिल क्लिन्टनले आफ्नो भाई रोजर क्लिन्टनलाई लागेको लागु पदार्थ मुद्दामा माफी दिएका थिए । त्यसैगरी जर्ज एच डब्लु बुसले आफुलाई अपराधी मुद्दाबाट सफाई दिएका थिए ।

ट्रम्पले पनि यही शक्ति प्रयोग गरी आफू र आफ्ना परिवारका विरुद्ध अहिलेसम्म भएका सम्पुर्ण संघीय अपराधका मुद्दा झेल्नु नपर्ने गरी आफुले आफु र आफ्ना परिवारलाई माफ गर्दै २०२१ जनवरी २० बाट उनी बिदाई हुनेछन् भन्ने आम अमेरिकनले अपेक्षा गरेका छन् ।

श्रोत : एपी/एबिसी न्यूज

प्रतिक्रिया