आइतबार, मंसिर १४ २०७७
काठमाडौं १६:२८
वासिङटन डिसी 05:43

बाईडेनले कार्यकालको पहिलो दिन आधा दर्जन कार्यकारी आदेश जारी गर्ने

डब्लुएचओमा पुनः प्रवेश, मुस्लिममाथिको प्रतिवन्ध हटाउने, देश निकालका कार्यक्रम पुनरावलोकन

यादवराज जोशी २०७७ कार्तिक २४ गते ०:४६ मा प्रकाशित

यादवराज जोशी


अमेरिकी राष्ट्रपति निर्वाचनका विजेता जो बाईडेनले कार्यकालको पहिलो दिन करिव आधा दर्जन कार्यकारी आदेश जारी गर्ने सम्भावना रहेको अमेरिकी सञ्चार मध्यमले जनाएका छन् । बाईडेन निकट स्रोतलाई उदृत गर्दै दिईएका समाचारमा ति कार्यकारी आदेशले राष्ट्रपति ट्रम्पले गरेका गल्ती सुधार्ने बताईएको छ ।

बाईडेनले नोभेम्बर ३ मा भएको निर्वाचनमा वर्तमान राष्ट्रपति डोनाल्ड ट्रम्पलाई पराजित गरेका छन । बाईडेनले सात करोड ५३ लाख लोकप्रीय मत प्राप्त गरेका छन भने डोनाल्ड ट्रम्पले सात करोड ११ लाख मत प्राप्त गरेका छन । राष्ट्रपति हुनका लागि आवश्यक दुई सय ७० इलेक्टोरल कलेज बाईडेनले प्राप्त गरीसकेका छन । उनले दुईसय ९० इलेक्टोरल मत प्राप्त गरेका छन । वर्तमान राष्ट्रपति डोनाल्ड ट्रम्पले दुई सय १४ मत प्राप्त गरेका छन । केही राज्यमा मतगणना चलिरहेको छ ।

अमेरिकालाई सर्वाधिक प्रभाव पारेको कोभिड १९ रोकथाममा बाईडेनले विशेष ध्यान दिने बाईडेन निकट स्रोतले बताएको छ । उनले सोमबार नै आफ्नो कोभिड १९ टास्क फोर्स घोषणा गर्नेछन । यसमा जनस्वास्थ्य विज्ञहरु र केही डेमोक्र्याट नेता समावेस हुनेछन । टास्क फोर्सको नेतृत्व कसले गर्ने छ भन्ने स्पस्ट भएको छैन । डोनाल्ड ट्रम्पले उपराष्ट्रपति माईक पेन्सको नेतृत्वमा टास्क फोर्स गठन गरेका थिए ।

बाईडेनले आफ्नो कार्यकालको पहिलो दिन मुस्लीम राष्ट्रमाथि लगाईएको यात्रा प्रतिवन्ध हटाउन कार्यकारी आदेश जारी गर्ने सम्भावना छ । राष्ट्रपति ट्रम्पले ईरान, लिविया, सोमालिया, सिरिया र यमन जस्ता मुस्लीम राष्ट्रका नागरिकलाई अमेरिका प्रवेशमा प्रतिवन्ध लगाएका थिए । यो प्रतिवन्धमा कोहि पछि भेनेजुएला, उत्तर कोरिया, सुडान र म्यान्मारलाई पनि समावेश गरिएको थियो ।

बाईडेनले व्श्वि स्वास्थ्य संगठनमा अमेरिका पुनः प्रवेश गर्ने कार्यकारी आदेश पनि जारी गर्ने छन । कोभिड १९ बढदै गएको बेला गत मे २९ मा अमेरिकाले डब्लुएचओको सदस्यता त्याग्ने घोषणा गरेका थिए । ट्रम्पको यो कदमको अमेरिका र विश्वभरी बिरोध भएको थियो । यसैगरी, बाईडेनले जलवायु परिवर्तन सम्वन्धी पेरिस सम्झौतामा पुनः प्रवेश गर्ने कार्यकारी आदेश जारी गर्नेछन । राष्ट्रपति निर्वाचनको बेला बाईडेनले यि विषय गहनरुपमा उठाएका थिए ।

गैरकानुनीरुपमा अमेरिका प्रवेश गरेका वा अमेरिकामा बसीरहेकालाई देश निकाला गर्ने सम्वन्धमा अर्को कार्यकारी आदेश जारी गर्ने सम्भावना छ । यो आदेशमा वृहत ईमिग्रेसन सुधार कार्यक्रम लागु नभएसम्म देश निकाला केही समय स्थगित गरिने छ । बाल्यकालमा अमेरिका आएकालाई स्थायी बसोबास दिने सम्वन्धी कानुनलाई उनले तत्काल कांग्रेसमा पठाउने छन । यसमा लामो समयदेखि अमेरिका रहेका अन्य अस्थायी दर्जाका आप्रवासी पनि समावेस गरिनेछन । अहिलेसम्म यो कानुनको प्रारुप तयार छैन ।

बाईडेनले आप्रवास सुधार र ड्रिमरलाई स्थायी बसोबासको अधिकार दिने कुरा आफ्नो निर्वाचन अभियानको बेला बताउदै आएका थिए । उनले आफ्नो कार्यकालको सयदिन भित्र यसका ठोस कदम चालिने बताएका थिए ।

स्रोतः एजेन्सीहरु

 

प्रतिक्रिया