आइतबार, मंसिर १४ २०७७
काठमाडौं १३:०२
वासिङटन डिसी 02:17

“हामीले अमेरिकाको आत्मालाई पुनर्स्थापित गर्नुपर्दछ,” निर्वाचित राष्ट्रपति जो बाइडेन

इनेप्लिज २०७७ कार्तिक २३ गते ३:२९ मा प्रकाशित

४६ औ अमेरिकी राष्ट्रपतिमा निर्वाचित भएका पूर्व उपराष्ट्रपती जो बाइडेनले आफ्नो गृहनगर डेलावेयरको विलमिंग्टनबाट बिजयी भाषण गरेका छन् ।

उनले नोभेम्बर ७ शनिबार २०२० का अमेरिकी पूर्वीय समय ८ बजे गर्ने भनेता पनि केही समय ढिलो भै अमेरिकी जनतालाई सम्बोधन गरे । बिगतमा प्राय निर्वाचित राष्ट्रपतिले मात्र बिजयी भाषण गर्थे भने यस पटक अमेरिकी ईतिहासमै महिला उप राष्ट्रपति पदमा प्रथम पटक निर्वचित भएकी कमला देवी ह्यारिसले पनि सम्बोधन गरिन ।

निर्वाचित राष्ट्रपति बाइडेनले “हामीले अमेरिकाको आत्मालाई पुनर्स्थापित गर्नुपर्दछ,” सम्बोधनको क्रममा भने। बाइडेनले भने, “हाम्रो देशलाई हाम्रो अझ राम्रो स्वर्गदूतहरू र हाम्रा अन्धकारमय आवेगहरू बीचको निरन्तर लडाईले आकार दिएको छ।

अब हाम्रो उत्तम स्वर्गदूतहरूको विजय हुनेछ,” बाइडेनले भने।

बाइडेनले भने, “आज राती सारा संसारले अमेरिका हेरिरहेको छ, र म विश्वास गर्दछु कि हाम्रो सर्वोत्तममा अमेरिका विश्वका लागि एक जग हो। हामी हाम्रो शक्तिको उदाहरणबाट मात्र होइन तर हाम्रो उदाहरणको शक्तिले नेतृत्व गर्नेछौं,”

अब तपाईंहरू जसले राष्ट्रपति ट्रम्पलाई मतदान गर्नुभयो, मँ आज राती तपाईंको निराशा बुझ्छु। म आफै कैयौ पटक पराजित भएको छु, तर अब हामी एक अर्कालाई मौका दिऔ “बाइडेनले भने। “कठोर व्यग्यात्मक हटाउने, रिस/आवेगलाई कम गर्ने, एक अर्कालाई फेरि हेर्ने, एक अर्कालाई सुन्ने, र प्रगति गर्ने समय आइसकेको छ, हामीले आफ्ना विरोधीलाई उनीहरूलाई शत्रु ठान्नु हुदैन । तिनीहरू हाम्रो शत्रु होइनन्। तिनीहरू अमेरिकी हुन् “बाइडेनले भने।

बाइडेनले थपे, “तपाईहरुले मलाई यो ठाउँमा पुर्याउनु भएको विश्वास र आत्मविश्वासबाट म नम्र छु।”

यसै गरि कमला देवी ह्यारिसले : “तपाईंहरुले आशा र एकता, शालीनता, विज्ञान, सत्य छनौट गर्नुभयो” भनिन । उपराष्ट्रपतिको रूपमा पहिलो पटक राष्ट्रलाई सम्बोधन गर्दै कमला ह्यारिसले अमेरिकी मतदाता र आयोजकहरूलाई धन्यवाद दिईन ।

“मलाई थाहा छ समय चुनौतीपूर्ण भएको छ। विशेष गरी पछिल्ला धेरै महिनाहरूमा शोक,र पीडा, चिन्ता र संघर्ष, तर हामीले तपाईको साहस, तपाईको लचिलोपन र तपाईको आत्माको उदारता पनि देख्यौं।

चार बर्ष देखि समानता र न्यायको लागि तपाईहरुले जुलुसको आयोजना गर्नु भयो । त्यसपछि तपाईले मतदान गर्नुभयो र तपाईले एउटा स्पष्ट सन्देश दिनुभयो तपाईले आशा र एकता, शालीनता, विज्ञान र हो, सत्य छनौट गर्नुभयो। तपाईले जो बाइडेनलाई अर्को राष्ट्रपति चुन्नु भयो। “संयुक्त राज्य अमेरिकाको,” लागि ह्यारिसले भनिन ।

प्रतिक्रिया