बुधबार, असोज ७ २०७७
काठमाडौं ०६:३८
वासिङटन डिसी 20:53

नेपालीभाषी कविहरुबाट कविता वाचन कार्यक्रम सम्पन्न

इनेप्लिज २०७७ साउन ३० गते २:०६ मा प्रकाशित

अमेरिकाको राष्ट्रपति निर्वाचनको पूर्वसन्ध्यामा अमेरिकाबासी नेपालीभाषी कविहरुको कविता वाचन कार्यक्रम यही अगष्ट १२,२०२० का दिन जुमका माध्यमबाट भर्चुअल कविता वाचन कार्यक्रम सम्पन्न भएको छ।करिब दुइ दर्जन जना कविहरुले नेपाली र अंग्रेजी भाषामा कविता वाचन गरेका थिए।कार्यक्रम रेडियो हिमालय र ओएसबेबो अनलाइन फेसबुकबाट प्रत्यक्ष प्रसारण गरिएको थियो।रेडियो हिमालयका साठी हजार र ओएसबेबो अनलाइनबाट आठ हजारभन्दा बढी श्रोता र दर्शकहरुले कविता वाचनको मनोरन्जन लिएका थिए।

डेमोक्रयाटिक पार्टीका तर्फबाट अमेरिकी राष्ट्रपति र उपराष्ट्रपतिका उमेदवार द्धय जो वाइडेन र कमला ह्यारिसको समर्थनमा आयोजना गरिएको उक्त कार्यक्रममा डेमोक्रयाटिक पार्टीका डेभान शाह,एशिया प्यासिफिक आइल्याण्डरका प्रमुख डा. श्याम कार्की,डेलिगेट ह्यारी भण्डारीका कार्यालयबाट ज्योमा तामाङ र डेमोक्रयाटिक पार्टीका सक्रिय सदस्य तरुण पौडेलले कार्यक्रम आयोजनाका लाागि आयोजक र कविहरुलाई धन्यवाद ज्ञापन गर्दै कार्यक्रमको प्रशंसा गरेका थिए । कविता वाचन गर्नेहरुमा डा.श्याम कार्की, सुदिपभद्र खनाल,महेश्वर पन्त, कृष्ण गिरी, उर्मिला निर्दोषी, अग्नि पराजुली,आनन्द श्रेष्ठ, रामलामा अभिनासी, शतिष त्रिपाठी, सर्वज्ञ वाग्ले, दीपा राई पुन, राजेन्द्र श्रेष्ठ, पवन लामिछाने,नेत्र आचार्य, मणि धिमाल, विमला निरौला, तीर्थराज अधिकारी, शकुन्तला ज्ञवाली,नारायण अधिकारी, दिलु चौलागाई, बासुदेव खनाल, पदम विश्वकर्मा आदि थिए।

कविहरुले कविता, गजल, मुक्तक आदि वाचन गरेका थिए ।कार्यक्रम पदम विश्वकर्मा र सर्वज्ञ वाग्लेले सञ्चालन गरेका थिए । कार्यक्रममा हाउस अफ डेलिगेट ह्यारी भण्डारीले कार्यक्रम सफलताको शुभकामना सन्देश सम्प्रेषण गरेका थिए।

प्रतिक्रिया